Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

Հայաստանը` որպես դոնոր, Ասիական զարգացման հիմնադրամին կվճարի 1 մլն դոլար

Տնտեսություն

2025 թվականին Հայաստանը` որպես դոնոր, ներգրավված է Ասիական զարգացման հիմնադրամի 13–րդ և տեխնիկական աջակցության հատուկ հիմնադրամի 8–րդ կանոնավոր համալրման համար։ Այդ նպատակով մեր երկիրն այս տարի ԱԶՀ հիմնադրամին կվճարի 1 մլն դոլարի չափով գումար: Համապատասխան որոշումն ընդունվել է այսօր՝ հունիսի 12–ին, ՀՀ կառավարության նիստում։

Նշվում է, որ հիմնադրման պահից ի վեր` 1974 թվականից, ԱԶՀ–ն համալրվել է 12 անգամ՝ 36 գործընկերների մասնակցությամբ։

«Համալրվելով ֆինանսավորման այլ աղբյուրներով` հիմնադրամն իր գոյության ընթացքում տրամադրել է ավելի քան 85 մլրդ դոլարի արտոնյալ վարկեր և դրամաշնորհներ 36 զարգացող անդամ երկրներին»,– նշված է որոշման մեջ:

Ի դեպ, հիմնադրամի 12–րդ համալրման շրջանակում` 2021–2024 թթ., հիմնադրամից աջակցություն ստացող 5 երկրներ դարձել են դոնոր երկրներ, որոնց թվում էր նաև Ադրբեջանը: ԱԶՀ այս նոր` 13–րդ համալրման 2025-2028 թթ. ներդրողների շարքում որպես դոնոր ներգրավված է նաև Հայաստանը:

Նշվում է, որ հիմնադրամի 13-րդ համալրման համար դոնորները երաշխավորել են իրականացնել ընդհանուր 4,9 մլրդ դոլարի չափով ներդրում, որից 2,5 մլրդ դոլարը կլինի նոր դոնորներից ներդրումների ներգրավման հաշվին: Մնացած 2,4 մլրդ դոլարը կֆինանսավորվի ԱԶՀ այլ միջոցներից։

«Որպես դոնոր ԱԶՀ ռեսուրսների համալրմանը Հայաստանի շարունակական մասնակցությունը կդիտարկվի որպես Ասիական զարգացման բանկի հետ արդյունավետ փոխգործակցությունը խորացնելու քայլ։ Ըստ ցանկության՝ Հայաստանի Հանրապետությունը ԱԶՀ ռեսուրսների համալրմանը կարող է մասնակցել հասարակ, անտոկոս, ցպահանջ մուրհակ թողարկելու եղանակով»,– ասված է որոշման մեջ:

Նշենք, որ Ասիական զարգացման հիմնադրամը՝ որպես Ասիական զարգացման բանկի արտոնյալ վարկավորման մեխանիզմ, առաջարկում է շատ ցածր տոկոսադրույքներով վարկեր բանկի ամենաաղքատ անդամներին:

 

Հավանեցի՞ր հոդվածը, կիսվիր ընկերներիդ հետ