Քանի լարի վրա Է խաղում երիտմտավորական Արքմենիկ Նիկողոսյանը

Մի հին անեկդոտ կա՝ ասում է՝ կա՛մ խաչը վզիցդ հանի, կա՛մ անդրավարտիքդ հագի, հիմա գրականագետ, «Անտարես» հրատարակչության գլխավոր խմբագիր ԱՐՔՄԵՆԻԿ ՆԻԿՈՂՈՍՅԱՆԻՆՆ է: Հայ Առաքելական եկեղեցու հիմնադրած «Շողակաթ» հոգեւոր-մշակութային հեռուստաընկերությունում հաղորդումներ վարող եւ փաստացի եկեղեցուց աշխատավարձ ստացող այս երիտմտավորականը դարձել է ո՛չ ավել, ո՛չ պակաս Աննա Հակոբյանի «Կրթվելը նորաձեւ է» շարժման բանախոսներից մեկը եւ վերջերս հանդես եկել դասախոսությամբ:

«Հայաստանի բոլոր մտածող մարդիկ, վստահաբար, շատ բան կորցրին՝ բաց թողնելով գրականագետ Արքմենիկ Նիկողոսյանի բանախոսությունը, որը նա մատուցեց «Կրթվելը նորաձեւ է» շարժման հարթակից։ Հուսով եմ` հնարավոր կլինի այն կրկնել եւ ոչ մեկ անգամ», - ոգեւորված գրել է Աննա Հակոբյանը։

Հետո էլ ասում ենք՝ ո՞ւր են մտավորականները, ինչո՞ւ մի ծպտուն չեն հանում: Եթե «Շողակաթ»-ում հաղորդում վարող գրականագետը սրբազաններին մանկապղծության եւ այլասերության մեջ մեղադրողի, եկեղեցին «չուլան» անվանողի շարժման բանախոսն է, էլ ումի՞ց ինչ պահանջել: Այնուհանդերձ, մենք փորձեցինք հետաքրքրվել Նիկողոսյանից, թե ինչպե՞ս է հաջողում թռնել երկու պարանի վրա, սակայն մեր հեռախոսազանգերն այդպես էլ մնացին անպատասխան:

Ի դեպ, այլասերության մասին. ինչպես ասում են՝ Աննա Հակոբյանը հեռու ման եկավ, մոտիկ գտավ: Դեռ տարիներ առաջ սոցցանցերում լայնորեն տարածվել էր «Երեխաներին սեքսի մասին» վերնագրով բավական թանկարժեք գրքի գովազդը, որը ոչ այլ ինչ էր, քան պեդոֆիլիայի տարածում: Բավական է մեջբերել այս խայտառակ գրքից մի հատված` նախապես ներողություն խնդրելով մեր ընթերցողներից.

Լուսինեի մազերը աշնանային տերեւի գույն ունեն:
Կարենի քիթը ցցված է վեր:
Լուսինեի աչքերը երկնագույն են:
Կարենը «շվի» ունի:
Դա ոչ թե «շվի» է կոչվում, այլ պենիս:
Իսկ ես վուլվա ունեմ,- ասաց Լուսինեն:

Եվ, իսպաներենից թարգմանված այս մտքի «գոհարները» արտատպել էր ո՛չ ավել, ո՛չ պակաս նույն «Անտարես» հրատարակչությունը, որի գլխավոր խմբագիրն էլ, իհարկե, Արքմենիկ Նիկողոսյանն է: Սակայն, «Անտարես»-ն առավել հայտնի է ոչ միայն իր մի շարք սեռաշեղված ստեղծագործությունների տպագրությամբ, այլ նաեւ մեկ այլ ուշագրավ միջադեպով: Նույն հրատարակչության տնօրեն Արմեն Մարտիրոսյանը ժամանակին աղմկահարույց գրառում էր կատարել Արցախի մասին՝ նշելով, թե Հայաստանը մտել է այլ պետության տարածք, 26 տարի տիրել, հենակետեր սարքել, տներ կառուցել, հանքեր շահագործել: Այս եւ այլ ձևակերպումների համար նա սուր քննադատության էր արժանացել ու պարսավանքի ենթարկվել: Ավելին՝ հայտնի խոսք էր դարձել՝ «Անտարեսը» ժպիտների փոխարեն՝ հայհոյանքներ է հավաքում»: Այսքանից հետո՝ թե ինչու Արքմենիկ Նիկողոսյանը հայտնվեց Աննա Հակոբյանի «Կրթվելը նորաձեւ է» շարժման բանախոսների շարքում, լիովին տրամաբանական է, մարդիկ նույն գծի մեջ են, հատկապես, որ նա Նիկոլ Փաշինյանի հեղինակած «Երկրի հակառակ կողմը» գրքի խմբագիրն է նաեւ, բայց գրողը տանի՝ ի՞նչ գործ ունի «Շողակաթ» հեռուստատեսությունում սույն անձը՝ լինի հաղորդում վարողի, թե հյուրի կարգավիճակում:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝