Լավ օրից չէ, որ Սամվել Կարապետյանը միջամտում է Հայաստանում տեղի ունեցող իրադարձություններին...

Իսկ նրան ամենեւին պետք չէ համարել որպես դրսի մարդ, նա իր գործերով ու տածած մեծ սիրով է ապացուցել, որ լիիրավ քաղաքացին է Հայաստանի ու նվիրյալ զավակն իր ազգի, իր ժողովրդի։ Իսկ որ նա ստիպված է լծվել հայի ու Հայաստանի արժանապատվության պաշտպանության, հայի ինքնության, նրա ազգային արժեքների փրկության գործին, դա մեր անճարության, անկարողության, մեր երկրի չկայացած ու ամայացած քաղաքական դաշտի մասին է խոսում, մեր ամոթն է, որ դեռ հանդուրժում ենք այս ազգային անպատվությունն ու այս զավեշտը։ Իսկ Սամվել Կարապետյանը չէր կարող լուռ հետեւել, թե ինչպես է կործանվում, աշխարհով մեկ խայտառակ լինում իր սիրելի Հայաստանը, իր ազգը: Եվ հիմա նրան ուզում են պատժել իր ժողովրդի թրքահպատակության ու ստրկության հետ չհաշտվելու համար, իր կործանվող երկիրն ու նրա արժանապատվությունը, պաշտպանելու համար, պետության կարևոր հենասյունը` եկեղեցին արժեզրկելուց փրկելու փորձեր անելու համար։ Իսկ պետության համը Սամվել Կարապետյանը երբեք չի կարող զգալ, ինչպես Նիկոլ Փաշինյանն է ասում, այդ իրենք են, որ զգում են պետության համը, վատնելով ու ագահաբար վայելելով ձեռքներն ընկած պետական միջոցները: Սամվել Կարապետյանը, ի տարբերություն իրենց, միայն ներդրում, ծախսում է այս պետության վրա եւ զգացել է ոչ թե պետության համը, այլ արժեքը։

ՀԱՅԿ ՂԱԶԱՐՅԱՆ

Տնտեսագիտության թեկնածու

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝