Շիրակի մարզպետը հետեւել է Արթիկ համայնքում իրականացվող շինաշխատանքներին.Լուսանկարներ
Այսօր Արթիկում էինք` հետևելու համայնքում իրականացվող շինարարական աշխատանքների ընթացքին:
Առաջին կանգառը Հայրենյաց բնակավայրում էր, որտեղ ընթացքի մեջ են կրթահամալիրի կառուցման աշխատանքները։ Հայաստանի տարածքային զարգացման հիմնադրամի պատվիրատվությամբ իրականացվող ծրագրի ընդհանուր արժեքը 1 մլրդ 281 մլն դրամ է կազմում: Կառուցման աշխատանքները մեկնարկել են 2024 թվականին, 2025-ին ՀՀ պետական բյուջեով նախատեսվել է 613 մլն 523 հազար դրամ:
Այստեղ հարկ եմ համարում վերահաստատել, որ Կրթական համակարգի զարգացումը Կառավարության առաջնահերթություններից է, այդ նպատակով լուրջ միջոցներ են ուղղվում դպրոցների, նախադպրոցական հաստատությունների կառուցմանը, նորոգմանը, հիմնանորոգմանը։ Արթիկ համայնքում այս պահին 5 դպրոց է հիմքից կառուցվում և 4 դպրոց հիմնանորոգվում։ Հայրենյացի դպրոցը հիմնովին կառուցվող դպրոցներից մեկն է, այն կլաստերային է՝ մի քանի դպրոց միանալու են այս դպրոցին։
Համայնքային այցերի հիմնական նպատակն է վերահսկել աշխատանքների ընթացքը և որակը, որպեսզի չունենանք անորակ և ձգձգումներով արված աշխատանքներ։ Մենք կառուցում ենք ոչ թե այսօրվա համար, այլ՝ ապագայի։ Անորակ արված շինարարություն որևէ տեղ չի ընդունվելու:
Այցելեցինք նաև Սարատակ, այստեղ միջնակարգ դպրոցի շենքի կառուցման աշխատանքներն են ընթանում: Այս ծրագրի ընդհանուր արժեքը 1 մլրդ 935 մլն դրամ է: Պետական բյուջեով 2025-ին նախատեսվել է 497 մլն 598 հազար դրամ։
Դիտարկեցինք նաև Արթիկի բժշկական կենտրոնի շինաշխատանքների ընթացքը։ Շուրջ 2 մլրդ 938 մլն դրամ արժողությամբ ծրագրի շրջանակներում կառուցվելու է ժամանակակից չափանիշներին համապատասխան բժշկական կենտրոն։ Կենտրոնի շինարարական աշխատանքները մեկնարկել են 2024 թվականին։ Պետական բյուջեից 2025-ին հատկացվել է 320 մլն դրամ, ավարտը նախատեսվում է 2027-ին։
Շինարարական աշխատանքներն իրականացվում են Հայաստանի տարածքային զարգացման հիմնադրամի պատվիրատվությամբ։
Շիրակի մարզպետի աշխատակազմի մշտադիտարկման աշխատանքային խումբը պարբերաբար այցելում է շինհրապարակներ, արձանագրում է թերությունները, որոնք ուղարկվում են տարբեր մարմիններ, որպեսզի շտկվեն։ Եվս մեկ անգամ հորդորում և պահանջում եմ բոլոր պատասխանատուներից, շինարարաներին հենց մեկնարկային փուլից որակով աշխատանք կատարել, որևէ շինարարություն չի ընդունվի թեկուզ աննշան շեղումներ կամ թերացումներ լինելու դեպքում՝ անկախ նրանից, թե ով է շինարարը։ Պատասխանատու և սրտացավ աշխատանքով պետք է անենք հնարավորը պետական միջոցները նպատակային ծախսելու, առանց խնդիրների և նախանշված ժամկետներում ավարտին հասցնելու համար, մենք ուզում ենք ի սկզբանե համատեղ ջանքերով և խիստ վերահսկողությամբ առաջ գնալ, քանի որ ավարտին հասցնելուց հետո խնդիրները վերացնելը շատ ավելի բարդ է լինելու:
Լուկաշենկոն ցույց տվեց, թե որտեղ պետք է կանգնի Փաշինյանը (Տեսանյութ)
Ով եւ ինչ պայմանով կարող է ստանալ թաղման նպաստ
Եվրոպային այս ձմռանը սպասում է գազի դեֆիցիտ և կոմունալ ծառայությունների կտրուկ աճ. Politico
Ի՞նչ է նշանակում՝ ադրբեջանցի զինվորը ներթափանցի Հայաստան ու խորանա շուրջ 20 կիլոմետր, սա աբսուրդ է
1
8318 դիտում
2
5669 դիտում
3
4030 դիտում
4
2219 դիտում
5
1923 դիտում
1
31460 դիտում
2
19478 դիտում
3
11451 դիտում
4
11407 դիտում
3
17726 դիտում
