Վահագն ջան, ո՛չ Սաակաշվիլին, ո՛չ Նիկոլը ի վիճակի չեն պատկերացնել, որ կան քեզ նման ազնիվ քրիստոնյաներ, որոնց Տերը Աստվածն է. Արմինե Սնդոյան

«Վահագն Չախալյանին, իմ լավ ընկերոջ հետ ծանոթացել եմ 2018թ-ին, երբ Հայ Առաքելական եկեղեցին կրկին այս իշխանության կողմից գրոհների տակ էր։ Ինձ հիացրեց Վահագնի անմնացորդ ու մաքուր պայքարը՝ հանուն իր եկեղեցու, հանուն սրբությունների։ Զարմացրեց նրա համար, քանի որ այդ ծանր օրերին ի պաշտպանություն եկեղեցու հաշված հավատացյալներ կային։

Երբ ծանոթացա Վահագնի կենսագրությանը, արդեն զարմանալու բան չմնաց ինձ համար։ Միայն այդ կամքի եւ ոգու տեր մարդը կարող էր այդպես վստահ, ուժեղ եւ անմնացորդ պայքարել հանուն հայրենիքի, հանուն սրբությունների։ Ապրես, Վահագ ջան, Աստված քեզ օգնական եւ պահապան։ Երեկ էն վրացական Նիկոլը նեղսրտվել էր։ Բնական է, կնեղվի, կհաչա, կզրպարտի։ Չէ որ դու առանց զենքի, առանց մարդկային մեծ ռեսուրսի, հայկական հող ես փրկել էդ ճիվաղ ծախու շնից, որ ուզում էր նվիրեր մեր թշնամիներին։ Վահագն ջան, ո՛չ Սաակաշվիլին, ո՛չ Նիկոլը ու ընդհանրապես սեփական ազգի դավաճան, հողավաճառները ի վիճակի չեն պատկերացնել, որ կան քեզ նման անձնազոհ, հայրենասեր, հայրենատեր, ազնիվ քրիստոնյաներ, որոնց Տերը Աստվածն է։

Էդ տեսակ ճիվաղ,փողի մեռածները, հանուն շատ փողի պատրաստ են իրենց մորն էլ ծախեն ուր մնաց հայրենիք։ Գիտեմ, որ ոգիդ տեղում է եւ քեզ բանտերով ո՛չ կվախեցնեն, ո՛չ կլռեցնեն։ Հույսով եւ աղոթքներով վստահ սպասում ենք եւ քո եւ բոլոր մեր ապօրինի ձերբակալված քաղբանտարկյալ եղբայրների շուտափույտ ազատմանը։ Թող որ լինի Աստծո արքայությունը եւ արդարությունը համայն աշխարհում», - գրել է քաղակտիվիստ ԱՐՄԻՆԵ ՍՆԴՈՅԱՆԸ։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝