Ռուսաստանը ձեզ հետ է. ՌԴ-ն մարդասիրական օգնություն է ուղարկում Արցախից տեղահանվածներին

Ռուսաստանը հերթական մարդասիրական օգնությունն է ուղարկում Լեռնային Ղարաբաղից հարկադիր տեղահանված անձանց, որոնք այժմ գտնվում են Հայաստանում։ Աշխատանքներն իրականացվում են «Եվրասիա» անկախ ոչ առեւտրային կազմակերպության, ինչպես նաեւ «Ռուսական մարդասիրական առաքելություն» (ՌՄԱ) կազմակերպության կողմից՝ «Ռուսաստանը ձեզ հետ է» նախագծի շրջանակում՝ «Ռոսսոտրուդնիչեստվո»-ի հովանու ներքո։ Էական աջակցություն են ցուցաբերում տեղական ինքնակառավարման մարմինները, կամավորական միավորումները եւ անհատ կամավորները։

Ակցիան մեկնարկել է հուլիսի 31-ին, առաջին փուլը կշարունակվի ամբողջ օգոստոսի ընթացքում։ Օգնության կետերն այս անգամ տեղակայվելու են տարբեր քաղաքներում, ներառյալ՝ Աբովյանում, Մասիսում, Գյումրիում եւ Կապանում։

Լեռնային Ղարաբաղից հազարավոր տեղահանվածներ կստանան մոտ 140 տոննա պարեն եւ անձնական հիգիենայի միջոցներ։ Օգնությունն ուղղված է առավել խոցելի խմբերին՝ բազմազավակ ընտանիքներին, տարեց անձանցով ընտանիքներին, եւ այն ընտանիքներ, որոնք կորցրել են ընտանիքի կերակրողին։ Նրանք կստանան առաջին անհրաժեշտության սննդային եւ հիգիենիկ փաթեթներ, որոնց մեջ ներառված են՝ ճաշի բաղադրիչներ (հացահատիկներ, մակարոն, շաքար, ալյուր, պահածոներ), քաղցրավենիք, ձեթ, թեյ, սուրճ, օճառ, ատամի մածուկ եւ խոզանակ։ Հատուկ փաթեթներ են պատրաստվել փոքր երեխաներ ունեցող ընտանիքների համար՝ մանկական սնունդ, շիլաներ, պյուրե, քաղցրավենիք, ինչպես նաեւ հիգիենիկ միջոցներ եւ տակդիրներ։

«Այս ակցիան պարզապես օգնության փոխանցում չէ, այլ համերաշխության, մասնակցության եւ մարդկային ջերմության դրսեւորում մեր հայրենակիցների հանդեպ։ Այն իսկական ժողովրդական դիվանագիտության օրինակ է, որն ապացուցում է, որ մեր երկրների մարդիկ պատրաստ են աջակցել միմյանց դժվարին իրավիճակներում։ Լեռնային Ղարաբաղի եւ նրա բնակիչների պատմությունը՝ շատերը, որոնց այսօր դարձել են հարկադիր տեղահանվածներ, իրականություն է, որի հետ բախվել են տասնյակ հազարավոր մարդիկ։ Եվ մենք չունենք բարոյական իրավունք թողնելու նրանց մենակ իրենց խնդիրների հետ։ Ռուսաստանը սկսել է մարդասիրական օգնություն տրամադրել Լեռնային Ղարաբաղից տեղահանվածներին դեռ շատ տարիներ առաջ, եւ այս աշխատանքը կշարունակվի», – ասել է «Ռոսսոտրուդնիչեստվո»-ի ղեկավարի տեղակալ Իգոր Չայկան։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝