«Իմպերիալիստ». Պուտինի գնահատականը Լավրովի հագուստին ամերիկացիներին շատ բան հուշեց

Պարզվում է, որ ամերիկացիներին շատ է հետաքրքրել, թե ինչու էր Լավրովը  Լավրովն Անքորիջ է ժամանել «ԽՍՀՄ» (СССР) գրառումով սվիտերով (https://iravunk.com/?p=320602&l=am): Այն աստիճան, որ Պուտին-Թրամփ պաշտոնական հանդիպման մեկնարկից վայրկյաններ առաջ Մարկո Ռուբիո, երեւի պարզելու այլ տարբերակ չտեսնելով, փորձեց այդ հարցի պատասխանը ստանալ Լավրովից, ավելի կոնկրետ` Պուտինից:

Ու նման հետաքրքրութունը պատահական չէր: Բանն այն է, որ նման հագուստով Լավրովի Անքորիջ ժամանելու պահից սկսած, փորձագիտական հանրություննը սկսեց այդ հարցի վրա գլուխ կոտրել: Բոլորն էին հասկանում` Լավրովը հազիվ թե պատահաբար էր նման ընտրություն կատարել: Փորձագետներն էլ եկան այն եզրակացությանը, որ` «Լավրովն իր հագուստով բոլորին պարզ ցույց տվեց, թե այս բանակցություններում ինչ է ակնկալում Մոսկվան: Այն է` Մոսկվան հավակնում է ԽՍՀՄ-ի դիրքին եւ դրանից քայլ անգամ չի նահանջելու»: Ընդ որում, ոչ թե միայն այդ բանակցություններում, այլ առհասարակ` ԱՄՆ-ի հետ հարաբերություններում: Բնական է, որ դա չէր կարող չանհանգստացնել կամ գոնե հարցեր չառաջացներ ամերիկյան կողմի մոտ, եւ Ռուբիոն էլ, այս ու այն կողմ չըկնելով, փորձեց ստանալ ռուսական կողմի բացատրությունը:

Պուտինը թեեւ փորձեց կատակի տեսքով հարցի վարյով անցնել, սակայն նրա պատասխանը պետք է, որ ամերիկացիների մտահոգությունները հաստատեր: «Իմպերիալիստ»,- մատնանշելով Լավրովին, ծիծաղելով արձագանքեց ՌԴ նախագահը: Բայց հասկանալը դժվար չէր, որ Լավրովի պես փորձառու գործիչը չէր կարող իրեն թույլ տալ հենց այնպես, հանուն քմահաճույքի նման կարեւորագույն հանդիպմանը ժամանել «ինպերիալիստ» խաղալով: Թեկուզեւ հաշվի առնելով, որ հանդիպումը ողջ աշխարհի ուշադրության կենտրոնում էր, եւ դրա անգամ աննշան դետալներն ուսումնասիրվելու-գնահատվելու էին բոլոր կողմերից: Այսինքն, իրոք շատ նման է, որ մինչ հանդիպման մեկնարկը Մոսկվան ի ցույց դրեց, թե որն է համարում Թրամփի հետ շփումների բազային իմաստը: 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝