Աշոտ Տեր-Մաթևոսյանն ու Սոֆյա Պողոսյանը՝ «Շնորհավոր, աղջիկ է» ֆիլմի մասին

Շնորհավոր, աղջիկ է» գեղարվեստական կարճամետրաժ ֆիլմը ներկայացնում է սեռով պայմանավորված հղիության ընդհատումների թեման:

ֆիլմում իրենց մասնակցությունն ունեն նաև դերասաններ Սոֆյա Պողոսյանն ու Աշոտ Տեր-Մաթևոսյանը:

«Սա այն հարցն է, որ համամարդկային է ու մշտական: Թեման բնականաբար հուզեց, որովհետև հղիության արհեստական ընդհատումը շատ ծանր է, չես էլ ուզում պատկերացնել:

Սիրով համաձայնեցինք նկարահանվել ֆիլմում, որովհետև սա այն հարցն է, որ պետք է բարձրաձայնել ու չի կարելի սեռով պայմանավորված երեխային զրկել կյանքից:

Աստծո տված է և չի կարելի միջամտել: Հայաստանում շատերն ուզում են տղա ունենալ, բայց մի մոռացեք, որ աղջիկը պապայի երեխան է, ով չունի, թող ունենա՝ կիմանա»,- խոսելով ֆիլմի ուղերձի մասին՝ ասել է դերասան Աշոտ Տեր-Մաթևոսյանը:

«Շատ ցավոտ թեմա է բարձրաձայնվում, բայց անհրաժեշտ է նմանատիպ թեմաներից խոսել: Որքան էլ, որ ցավալի է և անհավատալի, խնդիրը դեռևս առկա է Հայաստանում:

Կոչս հետևյալն է, որ կանայք չտրվեն կողմնակի ազդեցություններին և լինեն ավելի ուժեղ, կայացած և որոշումներ կայացնելիս՝ ավելի համարձակ»,- նշեց դերասանուհի Սոֆյա Պողոսյանը:

Հիշեցնենք՝ ֆիլմի պրեմիերան նախատեսված է սեպտեմբերի 5-ին:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝