Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Պարարտ հող է նախապատրաստվում ապրելու մի երկրում, որտեղ ոչ թե օրենքն է գործում, այլ «պանյատները». Հայտնի փաստաբանի ուշագրավ հայտարարությունը

Իրավական

Որքանո՞վ է օրինական քաղաքապետարանի աշխատողների կողմից քաղաքային տրանսպորտում քաղաքացիներին նույնայանացնելը և տուգանելը

Քաղաքացին ունի պոզիտիվ պարտավորություն՝ լինելու օրինապաշտ և գիտակցելու, որ իր կատարած ցանկացած  զանցանքի համար պատասխանատվություն է կրելու օրենքի ողջ խստությամբ, ընդ որում, անհրաժեշտ է ձևավորել այնպիսի մշակույթ, որ զանցառուն նաև բարոյական հարթությունում լուրջ խնդիրների առաջ կանգնի, քանի որ հասարակական կարծիքի ուժը զորավոր է, բայց միևնույն ժամանակ պետական կամ համայնքային լիազոր մարմինները պարտավոր են կատարել բացառապես այնպիսի գործառույթներ, ինչն իրենց վերապահված է օրենքով, հակառակ պարագայում ապրելու ենք այնպիսի միջավայրում, որ ում ատամն ինչպես կտրեց, այնպես էլ ապրելու է։ Զոռբան զոռբայություն է անելու, խեղճն էլ մնալու է խեղճ, իշխանավորն էլ իր հանցագործ անտարբերությամբ պարարտ հող է նախապատրաստելու ապրելու մի երկրում, որտեղ ոչ թե օրենքն է գործում, այլ "պանյատները", որտեղ գերակա է ոչ թե իրավունքը, պետական շահը, այլ նեղ անձնային, կուսակցական, իշխանության շահը։
Երանի այն իշխանավորին, ով օրենքի դիկտատուրայի ուժով առաջինը սկսելու է իրենից ու իր մերձավորներից և երկրում ձևավորելու է օրինապաշտ քաղաքացու ինստիտուտը։ Քաղաքային իշխանության  այս հրապարակային անօրինական գործառույթն առերևույթ լուծում է լոկալ խնդիր, սակայն գլոբալ առումով իր մեջ պարունակում է վատ նախադեպ և օրինակ խնդիրները լուծելու անօրինական եղանակով, ինչն անթույլատրելի է։
Երևանի քաղաքապետարանի աշխատակիցները մուտք գործելով հանրային տրանսպորտ պարտադրում են քաղաքացիներին նույնականանալ՝ պարզելու համար արդյո՞ք նրանք կատարել են ուղեվարձի վճարումը։
Նման գործողությունները դուրս են քաղաքապետարանի աշխատակիցների լիազորությունների շրջանակից և սահմանափակում են   քաղաքացիների սահմանադրական իրավունքները։

Իրավական հիմնավորում.
ՀՀ Սահմանադրություն
Հոդված 23 – յուրաքանչյուր ոք ունի անձնական և ընտանեկան կյանքի գաղտնիության իրավունք։
Հոդված 27 – յուրաքանչյուր ոք ունի ազատ տեղաշարժվելու իրավունք։

Քաղաքապետարանի աշխատակցի կողմից անձի նույնականացման պարտադրումը հակասում է վերոնշյալ դրույթներին։

ՀՀ «Ավտոմոբիլային տրանսպորտի մասին» օրենք.
Հոդված 6, հոդված Քաղաքապետարանը կազմակերպում և վերահսկում է ուղևորափոխադրումները, սակայն ուղևորների նույնականացում իրականացնելու լիազորություն նրան չի վերապահվել։

ՀՀ Վարչական իրավախախտումների վերաբերյալ օրենսգիրք (ՎԻՎՕ).
Ուղեվարձ չվճարելու դեպքում վարչական պատասխանատվության ենթարկելու իրավասությունը վերապահված է ոստիկանությանը կամ լիազորված վերահսկող մարմնին, ոչ թե քաղաքապետարանի սովորական աշխատակցին։

Վերոգրյալով պայմանավորված'
անհրաժեշտ է դադարեցնել  Երևանի քաղաքապետարանի աշխատակիցների կողմից քաղաքացիների նույնականացման պարտադրանքի անօրինական պրակտիկան։ Դա ոչ միայն պատիվ  չի բերում քաղաքային իշխանությանը, այլ նաև դրա իրավական հետևանքները կարող է լուրջ խնդիրներ առաջացնի քաղաքի բյուջեին։
Ներպետական օրենսդրությունն ունի այլ իրավական գործիքներ։

Փաստաբան՝ Լևոն Բաղդասարյան

Հավանեցի՞ր հոդվածը, կիսվիր ընկերներիդ հետ