Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

Կառավարությունը կշարունակի անհուսալի վարկերի մարման ծրագիրը. Թորոսյան

Տնտեսություն

Կառավարության սեպտեմբերի 11-ի նիստում ՀՀ աշխատանքի և սոցիալական հարցերի նախարար Արսեն Թորոսյանը ներկայացրեց անհուսալի վարկերի մարման ծրագրի շարունակության վերաբերյալ հարցը։

«Արմենպրես»-ի հաղորդմամբ՝ նախարարը նշեց, որ  ծրագրի նպատակը շահառուների տնտեսական ակտիվության խթանումն է։ «Սեպտեմբերի 9-ի դրությամբ ծրագրից օգտվել է 5715 քաղաքացի, որոնցից 789-ի վարկերն արդեն ամբողջությամբ մարվել են։ Մեկ շահառուի միջին ամսական աշխատավարձը կազմել է շուրջ 201 հազար դրամ՝ նախորդ ցուցանիշից բարձր լինելով մոտ 37 տոկոսով։ Սա խոսում է ստվերից դուրս գալու միտման մասին»,-նշեց Արսեն Թորոսյանը։

Նա հավելեց, որ ամբողջությամբ մարված վարկերի համար արդեն հատկացվել է շուրջ 156 միլիոն դրամ, սակայն 540 շահառու դուրս է մնացել ծրագրից՝ չբավարարելով նվազագույն աշխատավարձի պահանջները։ Այս պահին ակտիվ շահառուների թիվը կազմում է 4381։

Թորոսյանի խոսքով՝ վերջին վեց ամիսներին ծրագրի վրա ծախսվել է շուրջ 500 միլիոն դրամ, իսկ առաջիկա երեք ամիսներին նախատեսվում է հատկացնել ևս մոտ 500-525 միլիոն։ Ընդհանուր առմամբ, ծրագրին հատկացվել է մոտ մեկ միլիարդ դրամ։ Միաժամանակ նախարարն ընդգծեց, որ ծրագրի շահառուների պոտենցիալ թիվը կազմում է 218 հազար անձ, սակայն ընդգրկվածության մակարդակը դեռևս ցածր է։

Նիկոլ Փաշինյանը կարևորեց ծրագրի արդյունավետության բարձրացումը՝ նշելով, որ անհրաժեշտ է ավելի նպատակային աշխատել բանկային համակարգի հետ։

Կենտրոնական բանկի նախագահի տեղակալ Հովհաննես Խաչատրյանը նշեց, որ քաղաքացիները ավտոմատ կերպով կարող են դառնալ ծրագրի շահառու և որևէ մերժում չի կարող լինել։ Նա ընդգծեց, որ բանկերի կողմից պրոակտիվ իրազեկումը կարող է մեծացնել մասնակցությունը, սակայն անհրաժեշտ է նաև խորքային վերլուծություն՝ պարզելու համար, թե ծրագրի պոտենցիալ շահառուներից քանիսն են իրականում Հայաստանում և պատրաստ օգտվելու այդ հնարավորությունից։

Թորոսյանը հավելեց, որ նույնիսկ այն քաղաքացիները, որոնք արդեն ունեն ֆորմալ զբաղվածություն և կարող են անմիջապես դիմել ծրագրին, հաճախ չեն օգտվում հնարավորությունից։

«Դրա համար մենք պետք է նույնիսկ անհատական մակարդակով առաջարկենք քաղաքացիներին, քանի որ այս ծրագիրը հենց իրենց համար է նախատեսված»,-եզրափակեց Թորոսյանը։

 

 

Հավանեցի՞ր հոդվածը, կիսվիր ընկերներիդ հետ