Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

Հայտարարագիր լրացնելը պարզեցվում է. փոփոխությունները նախաձեռնել է ՔՊ–ն

Տնտեսություն

Կառավարությունն իր այսօրվա՝ հոկտեմբերի 16–ի նիստում որոշում կայացրեց, որով պարզեցվում է հայտարարագիր լրացնելը։ Ըստ այդմ, ՀՀ–ում հայտարարագրերը կնախալրացվի ՊԵԿ կողմից և հայտարարատուները կունենան բավականին երկար ժամանակ` մուտք գործելու ՊԵԿ համակարգ` ստուգելու հայտարարագրի ամբողջականությունն ու ճշտությունը, և ըստ այդմ կատարելու համապատասխան փոփոխություններ։

 

ՀՀ ֆինանսների նախարարի տեղակալ Արման Պողոսյանը նշեց, որ «ՀՀ հարկային օրենսգրքում» նախատեսված փոփոխությունները նախաձեռնել է ՔՊ–ն, որի նպատակը եկամուտների հայտարարագրման համակարգի պարզեցումն ու հետագա բարելավումն է։

 

«Եթե հայտարարագրում չկա փոփոխություններ կատարելու անհրաժեշտություն, ապա հայտարարագիր ներկայացնելու վերջնաժամկետին, որը կանոնի համաձայն հաշվետու տարվան հաջորդող տարվա հուլիսի 1–ն է, հայտարարագիրը կհամարվի լրացված։ Ի դեպ, այս և եկող տարվա անցումային շրջանի համար ունենք բավականին շատ ժամանակահատված, դա նոյեմբերի 1–ն է։ Միաժամանակ, «Վարչական իրավախախտումների մասին» ՀՀ օրենսգրքից կհանվի հայտարարագիրը սահմանված ժամկետում չներկայացնելու դեպքում նախատեսված պատասխանատվության միջոցը, որն առաջին դեպքում նախազգուշացում էր, ապա` տուգանք»,– հայտարարեց նախարարի տեղակալը։

 

Ըստ նրա` եթե քաղաքացին ուզում է հետ ստանալ առողջապահական և կրթության գծով սոցիալական ծախսերը, ապա անպայման պետք է գրանցվի ՊԵԿ համակարգում և էլեկտրոնային ստորագրությամբ վավերացնի հայտարարագիրը։

 

Պողոսյանը տեղեկացրեց, որ հայտարարագրման ենթակա չեն լինի ներգրավված միջոցները` փոխառությունները, վարկերը, «օվեր դրավթները», ընտանիքի անդամների միջև չհարկվող եկամուտները` կենցաղային ծախսերի համար փոխանցումները ևս չեն հայտարարագրվի։

 

Նշենք, որ այս պահի դրությամբ 130 հազար մարդ արդեն իսկ ներկայացրել է հայտարարագիր։

Հավանեցի՞ր հոդվածը, կիսվիր ընկերներիդ հետ