Հիշի՛ր, կա ետ դարձի ճանապարհ, Քրիստոսի սիրով քեզ ապաշխարության եմ կանչում. Տեր Տաճատը դիմել է Տեր Արամին

Ի՞նչ ես կարծում սիրելի տեր Արամ, Նիկոլն այս ամենը չի հասկանո՞ւմ, որ դու շատ հեշտությամբ կարողացար քո հոգևոր հորը` Մկրտիչ սրբազանին և քո Լծակից եղբայրներին բանսարկու մատնությամբ մատնեցիր չարի իշխանությանը։ Ի՞նչ ես կարծում, նիկոլը քեզ խոստացած պարգևները հեշտությամբ է բաշխելու, թե Թմբկա տիրուհու օրն է գցելու։ Վստահաբար երկրորդը, որովհետև դու հեշտությամբ քո լծակից եղբայրներիդ մատնեցիր, որոնց հետ կապված էիր ոչ թե աշխարհիկ իրողություններով, այլ Սուրբ Մյուռոնի Օծությամբ։

 

Գիտեմ, հիմա մարմնապես փառավորվում ես, որովհետև վաղեմի վրեժդ իրագործեցիր, սակայն հոգուդ խորքում քեզ նմանեցնում ես Տիրադավ հոդային։ Եվ մեզանից ելնելով կարծում ես թե ինքդ քո հոգուց կարող ես փախչել, սակայն վհատեցնեմ քեզ` չես կարող։ Եվ որպեսզի Առաքյալը քո մասին չգրի, թե "Մեր միջից ելան նրանք, բայց մեզնից չէին, որովհետև, եթե մեզնից լինեին, ապա մեր մեջ էլ կմնային։ Բայց մեզնից ելան, որպեսզի հայտնի լիներ, որ նրանք ամենքը մեզնից չեն" (Ա. Հով. 2.19), հիշի՛ր, կա ետ դարձի ճանապարհ։

 

Հ.Գ.- Քրիստոսի սիրով քեզ ապաշխարության եմ կանչում, որպեսզի մաքրված սիրով, անբիծ հոգով կրկին Քրիստոս քարոզես», - գրել է Արժանապատիվ Տեր Տաճատ քահանա Բարսեղյանը: