Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

Նախատեսվում է թոշակառուների համար ներդնել հետադարձ հիփոթեքի ինստիտուտ

Տնտեսություն

Կներդրվի անշարժ գույքին վերաբերող նոր ինստիտուտ, որը կոչվում է հետադարձ հիփոթեքի ինստիտուտ: Այդ մասին ԱԺ մշտական հանձնաժողովների համատեղ նիստին ասաց Կադաստրի կոմիտեի ղեկավար Սուրեն Թովմասյանը՝ ներկայացնելով նախագծի մանրամասները:

 

«Սա վերաբերելու է մեր թոշակառու հայրենակիցներին, որոնք ունեն սեփականության իրավունքով իրենց պատկանող անշարժ գույք:

 

Օրենսդրական փաթեթի ընդունումից հետո ստեղծվելու է հնարավորություն, որպեսզի գույքի թոշակառու սեփականատերերը կարողանան հետադարձ հիփոթեքով, այսինքն՝ իրենց սեփականության իրավունքով պատկանող գույքը, բանկում հետադարձ հիփոթեքի առարկա դարձնելով, ստանալ որոշակի վճարներ և դրանցով ապահովել իրենց սոցիալական լավ կարգավիճակը»,- ասաց նա:

 

Խոսքը, ըստ Թովմասյանի, այն թոշակառուների մասին է, որոնք չունեն կամ կարող են ունենալ նաև ժառանգ, բայց որոնք ունեն իրենց սեփականության իրավունքով պատկանող գույք: Նրանք կարող են դիմել բանկին՝ ասելով, որ ուզում են հետադարձ հիփոթեք իրականացնել: Արդյունքում կգնահատվի նրանց գույքի արժեքը, և կորոշվի այն տարիների թիվն ու այն գումարի չափը, որը յուրաքանչյուր ամիս բանկը պետք է թոշակառուին հետ վճարի:

 

«Թոշակառուն մարումների խնդիր չունի, ինքը ստանալու է որոշակի ժամանակահատվածի համար [գումար]՝ ըստ պայմանավորվածության, ապրելու է իր տանը, որ ամենակարևորն է՝ չի փոխելու միջավայրը, յուրաքանչյուր ամիս ստանալու է համապատասխան գումար, որը գումարվելու է իր կենսաթոշակին, և ունենալու է ավելի լայն հնարավորություններ՝ իր կյանքն ավելի լավ կազմակերպելու, ճանապարհորդելու համար»,- ասաց նա՝ հիշեցնելով, որ սա դեռ նախագիծ է, որը դրվել է շրջանառության մեջ:

 

Հավանեցի՞ր հոդվածը, կիսվիր ընկերներիդ հետ