Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

Քննարկվել են թմրամիջոցների ապօրինի շրջանառության դեմ պայքարի նոր միջոցառումները

Իրավական

Նոյեմբերի 4-ին ՆԳ նախարարությունում տեղի է ունեցել Հայաստանի Հանրապետությունում թմրամիջոցների և հոգեմետ (հոգեներգործուն) նյութերի շրջանառության և ապօրինի շրջանառության կանխարգելման միջգերատեսչական հանձնաժողովի հերթական նիստը, որը վարում էր հանձնաժողովի նախագահ, ՆԳՆ ոստիկանության պետի տեղակալ Վարդան Վարդանյանը։

Հանձնաժողովի կազմում ներգրավված էին ՆԳ նախարարության ոստիկանության, Ազգային անվտանգության ծառայության, Գլխավոր դատախազության, Պաշտպանության, Առողջապահության, Արդարադատության նախարարությունների, Քննչական կոմիտեի և Պետական եկամուտների կոմիտեի համապատասխան ստորաբաժանումների ղեկավարներ։

Հանձնաժողովի նախագահ Վարդան Վարդանյանն անդրադառնալով ապօրինի թմրաշրջանության դեմ պայքարի շրջանակում իրականացված աշխատանքին՝ կարևորել է շահագրգիռ գերատեսչությունների համագործակցությունը, որի նպատակը համընդհանուր խնդրի դեմ պայքարում դրական արդյունքներ արձանագրելն է։
Հանձնաժողովի անդամները ներկայացրել են ընթացիկ տարում թմրամիջոցների ապօրինի շրջանառության դեմ պայքարի շրջանակում իրականացված աշխատանքի արդյունքները և հայտնաբերման, բացահայտման ու կանխարգելման ուղղությամբ գործուն քայլերը։

Ընդգծվել է մաքսանենգ ճանապարհով թմրամիջոցների տեղափոխման դեմ պայքարի արդյունավետության բարձրացման ու այդ ուղղությամբ համատեղ իրականացվող միջոցառումների անհրաժեշտությունը։
Քննարկվել են ՄԱԿ-ի Թմրամիջոցների դեմ պայքարի հանձնաժողովի 69-րդ նստաշրջանում Հայաստանի Հանրապետության՝ նախագահությունն ստանձնելու և ընթացիկ աշխատանքների վերաբերյալ հարցեր։ Նախանշված խնդիրների լուծման ուղղությամբ արվել են կոնկրետ առաջարկություններ:

Վարդան Վարդանյանը արդյունավետ քննարկման համար շնորհակալություն հայտնելով միջգերատեսչական հանձնաժողովի անդամներին՝ ընդգծել է թմրամիջոցների անօրինական շրջանառության դեմ պայքարի ուղղությամբ ամենօրյա հետևողական աշխատանքի անհրաժեշտությունը։

Հավանեցի՞ր հոդվածը, կիսվիր ընկերներիդ հետ