ՈՒԿՐԱԻՆԱԿԱՆ ԹԵՄԱՆ ԻՐՈՔ ԿԱՐՈՂ Է ԵՐԿՈՒ ԱՄՍՈՒՄ ՎԵՐՋԱՆԱԼ

Ի­հար­կե` այն, ինչ աշ­խար­հա­քա­ղա­քա­կան կուրս ներ­կա­յումս փոր­ձում են «խա­ղաց­նել» նի­կոլ­յան իշ­խա­նութ­յուն­նե­րը, դա ժա­մա­նա­կա­վոր է (Տես նաեւ https://iravunk.com/?p=326957&l=am): Ա­մեն դեպ­քում, ժա­մա­նա­կին են­թադ­րել ենք, որ վերջ­նա­կան ո­րո­շու­մը Նի­կո­լը չէ, որ կա­յաց­նե­լու է. թե­ման ի­րա­կա­նում ռուս-ա­մե­րիկ­յան հա­րա­բե­րութ­յուն­նե­րի դաշ­տում է, եւ դրա ել­քից կախ­ված էլ կո­րոշ­վի Հա­յաս­տա­նի հե­տա­գա աշ­խար­հա­քա­ղա­քա­կան ուղղ­վա­ծութ­յան հար­ցը:

Ռուս-ա­մե­րիկ­յան հա­րա­բե­րութ­յուն­նե­րը, ի­հար­կե, այս պա­հին ո­րո­շա­կիո­րեն մռայլ­վել են: Եվ ա­սել, թե դա կա­րո­ղա­ցան սար­քել գլո­բա­լիստ­նե­րը, թե­րեւս այն­քան էլ տե­ղին չէ:

Ի­րա­կա­նում, Հուն­գա­րիա­յում Թ­րամ­փի եւ Պու­տի­նի հան­դիպ­ման հե­տաձ­գու­մից հե­տո կող­մե­րից սկսե­ցին մի շարք կտրուկ ակ­նարկ­ներ հնչել: Ա­մեն ինչ սկսվեց Թ­րամ­փի սպառ­նա­լիք­նե­րից, թե՝ Մոսկ­վա­յին առ­հա­սա­րակ կզրկի նավթ վա­ճա­ռե­լու հնա­րա­վո­րութ­յու­նից: Այ­սինքն, թող խե­լոք գա ու ստո­րագ­րի ուկ­րաի­նա­կան թե­մա­յով այն թուղ­թը, ո­րը նրա ա­ռաջ կդրվի: Ի պա­տաս­խան, Մոսկ­վան Թ­րամ­փին հի­շեց­րեց, որ նա խո­սում է ա­ռա­ջա­տար մի­ջու­կա­յին տե­րութ­յան հետ: Ա­վե­լին, ի ցույց դրվե­ցին ռու­սա­կան «Բու­րե­վեստ­նիկն» ու «Պո­սեյ­դո­նը», ո­րոնք, ինչ­պես օ­րի­նակ իս­րա­յել­յան հե­տա­խու­զութ­յան նախ­կին ղե­կա­վար, հե­ղի­նա­կա­վոր ռազ­մա­քա­ղա­քա­կան փոր­ձա­գետ Յա­կով Կեդ­մի­նը հու­շեց, Ռու­սաս­տա­նը դարձ­նում են հա­մաշ­խար­հա­յին ռազ­մա­կան հեգ­մոն: Հա­ջոր­դեց «Խա­բա­րովսկ» նո­րա­գույն մի­ջու­կա­յին սու­զա­նա­վի ջուրն ի­ջեց­նե­լու ցու­ցադ­րա­կան ա­րա­րո­ղութ­յու­նը. խոս­քը նո­րա­գույն սու­զա­նա­վի մա­սին է, որն ու­նակ է միա­ժա­մա­նակ 12 «Պո­սեյ­դոն» կրել:

Այն ձա­խո­ղու­մից հե­տո, ո­րը Թ­րամփն ու­նե­ցավ նա­խա­գահ Սիի հետ օ­րերս կա­յա­ցած հան­դիպ­ման արդ­յուն­քում, այս ա­մե­նը, ի­հար­կե, դար­ձավ հեր­թա­կան հար­վա­ծը: Այն է՝ նրան եւս մեկ ան­գամ պարզ հաս­կաց­րին, որ որ­քան էլ շա­րու­նա­կի գո­վեր­գել ա­մե­րիկ­յան ռազ­մա­կան զո­րութ­յու­նը, մեկ է, կան կոնկ­րետ փաս­տեր, ո­րոնք շրջան­ցել չես կա­րող: Թ­րամ­փը մի պահ փոր­ձեց խո­սել ու­ժի լեզ­վով, թե՝ կվերսկ­սի մի­ջու­կա­յին փոր­ձար­կում­նե­րը: Բայց նա­խօ­րեին հենց ինքն էլ ստիպ­ված ե­ղավ խոս­տո­վա­նել. թեեւ ԱՄՆ-ն հա­մա­րվում է ա­մե­նա­շատ մի­ջու­կա­յին մար­տագլ­խիկ­ներ ու­նե­ցող եր­կի­րը, բայց մի այդ­քան էլ Ռու­սաս­տանն ու­նի, իսկ Չի­նաս­տա­նը կա­մաց-կա­մաց կհաս­նի այդ մա­կար­դա­կին: Իսկ ա­հա մի­ջու­կա­յին մար­տագլ­խիկ­նե­րը տեղ հասց­նե­լու մի­ջոց­նե­րի հար­ցում ԱՄՆ-ն չի հաս­նում ո´չ հի­պեր­ձայ­նա­յին տեխ­նո­լո­գիա­ներ ու­նե­ցող Չի­նաս­տա­նին եւ ոչ էլ, ա­ռա­վել եւս, ա­վե­լի լուրջ հի­պեր­ձայ­նա­յին հրթիռ­ներ ու­նե­ցող Ռու­սաս­տա­նին, ո­րը նաեւ ի ցույց դրեց ան­սահ­մա­նա­փակ ժա­մա­նա­կա­հատ­ված թռչել կամ լո­ղալ կա­րո­ղա­ցող մի­ջու­կա­յին մար­տագլ­խիկ­ներ փո­խադ­րել կա­րո­ղա­ցող մի­ջոց­ներ՝ «Բու­րե­վեստ­նի­կը» եւ «Պո­սեյ­դո­նը»: Ընդ ո­րում` մի­ջոց­ներ, ո­րոնք հենց ա­մե­րիկ­յան փոր­ձա­գետ­նե­րի գնա­հատ­մամբ, ի զո­րու են հան­գիստ շրջան­ցել Թ­րամ­փի կող­մից կա­ռուց­վող «Ոս­կե գմբեթ» ՀՕՊ մասշ­տա­բա­յին հա­մա­կար­գը, այ­սինքն, այն դեռ չկառ­ուց­ած, ար­դեն ան­պետք դուրս ե­կավ:

Թ­րամ­փը, ի­հար­կե, ա­վե­լի շատ սի­րում է ու­ժի լե­զուն, եւ նման է, որ միան­գա­մից ա­մեն բան հաս­կա­ցավ: Հա­մե­նայն­դեպս, վեր­ջին ե­լու­յթում նա սկսեց գո­վեր­գել Պու­տի­նին եւ Սի Ց­զին­պի­նին՝ նրանց ան­վա­նե­լով  շատ ու­ժեղ եւ խե­լա­ցի ա­ռաջ­նորդ­ներ. «Եր­կուսն էլ բարդ են, եր­կուսն էլ` խե­լա­ցի։ Տե­սեք, նրանք եր­կուսն էլ շատ ու­ժեղ ա­ռաջ­նորդ­ներ են։ Ս­րանք այն մար­դիկ են, ո­րոնց հետ չի կա­րե­լի խա­ղալ եւ կա­տա­կել։ Ն­րանց պետք է չա­փա­զանց լուրջ ըն­դու­նել»:

Ու ար­դեն հենց հա­ջորդ մտքով նա նոր խոս­տում տվեց՝ եր­կու ամս­վա ըն­թաց­քում ա­վար­տել պա­տե­րազ­մը Ուկ­րաի­նա­յում. «Պու­տինն իս­կա­պես ցան­կա­նում է գոր­ծարք­ներ կնքել Միաց­յալ Նա­հանգ­նե­րի հետ։ Նա ցան­կա­նում է շատ գու­մար վաս­տա­կել Ռու­սաս­տա­նի հա­մար։ Կար­ծում եմ՝ մենք այս պա­տե­րազ­մը կա­վար­տենք մի քա­նի ամ­սից»:

Ա­մեն դեպ­քում, այն ի­րա­վի­ճա­կը, ո­րը ներ­կա պա­հին տի­րում է Ուկ­րաի­նա­յում, դրա հնա­րա­վո­րութ­յու­նը լիո­վին տա­լիս է: Օ­րի­նակ բե­րենք ուկ­րաի­նա­կան միան­գա­մայն տե­ղե­կաց­ված աղբ­յուր­նե­րից մե­կի վեր­ջին գնա­հա­տու­մը. «Գե­րա­գույն հրա­մա­նա­տար Սիրս­կիին պայ­ման է ա­ռա­ջադր­վել՝ վե­րաց­նել Պոկ­րովս­կի պա­շա­րու­մը կամ ստիպ­ված լի­նել հրա­ժա­րա­կան տալ։ Այս պա­հին գե­րա­գույն գլխա­վոր հրա­մա­նա­տա­րը առ­կա բո­լոր ռե­զերվ­նե­րը, այդ թվում` այլ թեժ ուղ­ղութ­յուն­ներ դա­տար­կե­լով: Մինչ­դեռ պետք է հաս­կա­նալ մեկ բան. ե­թե հա­կագ­րո­հը ձա­խող­վի, Ուկ­րաի­նա­յի զին­ված ու­ժե­րը կկորց­նեն ի­րենց վեր­ջին ռե­զերվ­նե­րը, իսկ այլ ուղ­ղութ­յուն­նե­րը կմնան կի­սա­դա­տարկ…»: Ու դրա հետ միա­ժա­մա­նակ. «Գլ­խա­վոր շտա­բի մեր աղբ­յուր­նե­րը միա­ժա­մա­նակ հայտ­նել են, որ ար­դեն այս պա­հին Կուպ­յանս­կի վրա հա­կագ­րո­հը ձա­խող­վել է, եւ մեր զոր­քե­րը չեն կա­րո­ղա­ցել ա­զա­տագ­րել շրջա­պատ­ված ստո­րա­բա­ժա­նում­նե­րը։ Սիրս­կին շա­րու­նա­կում է կորց­նել ի­րա­վի­ճա­կի վե­րահս­կո­ղութ­յու­նը, ին­չը կհան­գեց­նի մեր զոր­քե­րի պար­տութ­յա­նը Կուպ­յանս­կում, Լի­մա­նում, Ս­եւերս­կում, Կոնս­տան­տի­նով­կա­յում, Պոկ­րովս­կում, Գուլ­յաի­պո­լեում»։

Կարճ ա­սած, Կիեւն ի­րա­վի­ճա­կը փո­խե­լու վեր­ջին փորձն է ձեռ­նար­կել, ո­րը ձա­խող­վե­լու դեպ­քում մեծ հարց է, թե ինչ կմնա ուկ­րաի­նա­կան բա­նա­կից: Բայց ե­թե ան­գամ այս փոր­ձը հան­կարծ մի կերպ հա­ջող­վի, ա­պա է­լի միայն հսկա­յա­կան կո­րուստ­նե­րի գնով: Այն դեպ­քում, երբ ռուս­նե­րի ռե­զերվ­նե­րը լիո­վին բա­վա­րա­րում են անգամ նման հաղ­թա­նա­կի դեպ­քում էա­պես թու­լա­ցած ուկ­րաի­նա­կան ու­ժե­րին նոր հար­ված­ներ հասց­նել: Այ­սինքն, ա­մեն բան խո­սում է նրա մա­սին, որ ռազ­մա­կան ա­ռու­մով պա­տե­րազ­մը շատ մոտ է հան­գու­ցա­լուծ­ման: Իսկ այդ ի­րա­վի­ճա­կում Կիե­ւին, ան­կախ այն բա­նից՝ այն­տեղ Զե­լենս­կի կմնա, թե՝ ոչ, այլ տար­բե­րակ չի մնում, քան ցան­կա­ցած պայ­մա­նա­վոր­վա­ծութ­յու­ն, ո­րը ձեռք կբե­րեն Մոսկ­վան եւ Վա­շինգ­տո­նը, ստո­րագ­րե­լը:

Եր­կու ամս­վա մա­սին Թ­րամ­փի այս գնա­հա­տու­մը, թե­րեւս, ար­դեն միան­գա­մայն խել­քին մոտ տեսք ու­նի: Ընդ ո­րում, ե­թե հան­գու­ցա­լու­ծու­մը տե­ղա­փոխ­վի Մոսկ­վա-­Վա­շինգ­տոն պայ­մա­նա­վոր­վա­ծութ­յու­ննե­րի դաշտ, ա­պա նույն դաշ­տում է լի­նե­լու ինչ­պես Ի­րա­նի, այն­պես էլ՝ Հա­րա­վա­յին Կով­կա­սի հար­ցե­րը: Չ­մո­ռա­նանք նաեւ Մոսկ­վա­յի ակ­նար­կը՝ Ի­րանն իր մեր­ձա­վոր դաշ­նա­կիցն է եւ ո­րե­ւէ զի­ջում այս­տեղ չի պլա­նա­վո­րում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝