Հայաստանի ապագան Ռուսաստանի հետ է
ՏեսանյութերԵրեւանում այսօր մեկնարկում է «Եվրասիական ինտեգրացիա եւ ՀՀ-ի տնտեսական զարգացման հեռանկարները» միջազգային մեծ կլոր սեղանը, որին մասնակցում են ԵԱՏՄ բոլոր երկրների, ինչպես նաեւ Վրաստանի եւ Մոլդովայի հայտնի փորձագետներ ու գիտնականներ: Կլոր սեղանի շրջանակում Հայաստանում է Մոսկվայում հրապարակվող ռուսալեզու եւ արդեն նաեւ հայերեն Երեւանում հրապարակվող «Նոյյան տապան» թերթի հիմնադիր եւ գլխավոր խմբագիր ԳՐԻԳՈՐԻ ԱՆԻՍՈՆՅԱՆԸ: Նա հյուրընկալվել է «Իրավունք»-ի խմբագրությունում եւ հեռուստահաղորդում-զրույց ունեցել «Ուժեղ Հայաստան Ռուսաստանի հետ. հանուն նոր Միության» շարժման համակարգող, ՍԻՄ կուսակցության նախագահ Հայկ Բաբուխանյանի հետ:
«Հայաստանի ապագան Ռուսաստանի հետ է եւ վերջ: Բանն այն է, որ Հայաստանի իշխանությունները ցանկանում են լինել Ռուսաստանի հետ միայն մեկ ուղղությամբ՝ տնտեսական։ Որքան ես եմ հասկանում, Ռուսաստանի կողմից առաջարկվող բոլոր տնտեսական հարցերը Հայաստանի կառավարությունն ընդունում է։ Ինչո՞ւ։ Որովհետեւ հենց այդ կապերի շնորհիվ Ռուսաստանի հետ այսօր Հայաստանը պահպանում է իր տնտեսական անվտանգությունը։ Հայաստանը պահպանեց, հատկապես անցած տարի, իր ՀՆԱ-ն եւ շարունակում է կատարել իր բոլոր սոցիալական պարտավորությունները ժողովրդի առաջ։ Բայց այս տարվա արդյունքները շատ ավելի ցածր են, քան անցած տարվա, քանի որ Եվրոպայի ճնշման տակ որոշ ծրագրեր կա՛մ դադարեցվում են, կա՛մ եթե չեն դադարեցվում, ապա կրճատվում են։ Ես նկատի ունեմ Հայաստանի կապերը Ռուսաստանի հետ։ Այդ պատճառով Հայաստանը կրում է ուղիղ վնասներ։ Սա այնքան ակնհայտ է, որ դրա համար նույնիսկ ապացույցներ պետք չեն։ Այս մասին գիտի ե՛ւ Հայաստանի կառավարությունը, ե՛ւ Ռուսաստանը, բայց ինչ-որ պատճառով այս միտումը շարունակում է։ Միանշանակ է, որ Հայաստանը Ռուսաստանի հետ ունի ոչ միայն տնտեսական, այլեւ քաղաքական առաջնահերթություններ, սակայն այստեղ արդեն առաջանում են որոշ հակասություններ, որովհետեւ Հայաստանի կառավարությունը ցանկանում է՝ մնալով տնտեսապես կապված Ռուսաստանի հետ, խզել բոլոր քաղաքական հարաբերությունները։ Բայց դա չի ստացվի», - զրույցի ընթացքում շեշտել է Անիսոնյանը։
ՀՐԱՆՏ ՍԱՐԱՖՅԱՆ
Հ.Գ.- Շարունակությունը կարդացե՛ք թերթի առաջիկա համարներից մեկում:
Նոյեմբերի 9-ը կապիտուլյացիա չէր, այն խաղաղության պլան էր. Բաբուխանյան 
Երեւանում քննարկեցին Եվրասիական ինտեգրացիայի եւ Հայաստանի տնտեսական զարգացման հեռանկարները 
Շարունակում են մնալ լիովին անկախ. ինչ է հուշում Բելառուսի Միութենական փորձը 
Եվրամիության ծուղակը՝ Հայաստանի առաջ. ԵԱՏՄ-ից հեռանալու բարձր գինը 
Մնացել էր Փաշինյանը որոշեր` ով տեղ ունի ԱԺ-ում, ով չունի 
1
7629 դիտում
2
2242 դիտում
3
2067 դիտում
4
1929 դիտում
5
1663 դիտում
1
21578 դիտում
2
10117 դիտում
3
8339 դիտում
5
6048 դիտում
2
17689 դիտում
3
17610 դիտում
4
16723 դիտում
5
15688 դիտում
