Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

Բիշքեկում ՀԱՊԿ գագաթնաժողովին մի շարք փաստաթղթեր կստորագրեն

Տնտեսություն

Բիշքեկում նոյեմբերի 26-27-ը կկայանա ՀԱՊԿ Հավաքական անվտանգության խորհրդի հաջորդ նիստը՝ Ղրղզստանի նախագահ Սադիր Ժապարովի նախագահությամբ, հայտնել է նախագահի աշխատակազմի արտաքին քաղաքականության բաժնի ղեկավար Սագինբեկ Աբդումուտալիպը։

 

«Արմենպրես»-ի փոխանցմամբ՝ այս մասին հաղորդում է Sputnik գործակալության ղրղզական ծառայությունը։Գագաթնաժողովը կլինի Ղրղզստանի՝ ՀԱՊԿ-ում նախագահության եզրափակիչ փուլի գլխավոր միջոցառումը։

 

Գագաթնաժողովի արդյունքում նախատեսվում է ստորագրել ավելի քան 10 որոշում՝ հավաքական պաշտպանության մեխանիզմների ամրապնդման, կազմակերպության երկրների միջև անվտանգության փոխգործակցության բարելավման և ռազմաքաղաքական համագործակցության ընդլայնման վերաբերյալ։

 

«2026 թվականին ՀԱՊԿ-ի նախագահությունը Ղրղզստանից կանցնի Ռուսաստանին, ինչը կապահովի կազմակերպության շրջանակում համատեղ նախաձեռնությունների շարունակականությունը և հետագա զարգացումը», – նշել է Աբդումուտալիպը։

 

Հունվարի 1-ից ՀԱՊԿ-ը նաև նոր գլխավոր քարտուղար կունենա։ՌԴ նախագահի օգնական Յուրի Ուշակովը հայտնել է, որ Հայաստանը չի մասնակցի նոյեմբերի 27-ին Ղրղզստանում կայանալիք ՀԱՊԿ գագաթնաժողովին, այդուհանդերձ, Երևանը հայտարարել է, որ դեմ չէ գագաթնաժողովում համաձայնեցված փաստաթղթերի ընդունմանը։

 

Հայաստանի վարչապետ Նիկոլ Փաշինյանը 2024 թվականի փետրվարին հայտարարել էր, որ Հայաստանը գործնականում սառեցրել է իր անդամակցությունը ՀԱՊԿ-ին։ Հայաստանն այդ օրվանից չի մասնակցում ՀԱՊԿ-ի շրջանակներում կազմակերպված միջոցառումներին և չի վճարում անդամավճարը։

 

Հավանեցի՞ր հոդվածը, կիսվիր ընկերներիդ հետ