Օդեսան աննախադեպ հարձակման է ենթարկվել

Գրեթե ողջ գիշեր ծանր հարվածներ են հասցվել Ուկրաինայի երկու ծովափնյա մարզերին` Օդեսային եւ Նիկոլաեւին: Հարվածների հիմնական մասը հաժին է հասել Օդեսային:

Ուկրաինական ալիքները հաղորդում են, որ Օդեսայի մարզում խոցումներից հետո անջատվել են կապի միջոցները, ինտերնետը, ջուրը և էլեկտրաէներգիան։ Գրանցվել են նաև գազային ենթակառուցվածքների վրա հարվածներ։

Տեղական ալիքները պնդում են, որ Օդեսայի մարզի 90%-ը հոսանքազրկված է։ Նույն իրավիճակն է նաև Նիկոլաևի մարզում և Խերսոնի մարզի` Ուկրաինայի զինված ուժերի վերահսկողության տակ գտնվող հատվածում։

Հարձակումն իրականացվել է մի քանի փուլով: Ռուսները գործադրել են առնվազն 5 հիպերձայնային «Կինժալ», «Իսկանդեր»-ներ եւ այլ տեսակի հրթիռներ, ինչպես նաեւ հեռահար գործողության  առնվազն 4 տասնյակ անօդաչու:

Վաղ ատավոտվա դրությամբ հարձակումը դեռ շարունակվում էր:

Դեռ երեկ ռուսական ուժերը գրոհել էին Օդեսայի նավահանգիստը`  խոցելով այնտեղ գտնվող թուրքական նավը: Ենթադրվում է, որ այս նոր հարձակման հիմնական թիրախը նավահանգստային համակարգն է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝