ԵԹԵ ՄԵՐՑԸ ՍՈՒՐԲԾՆՆԴՅԱՆ ԶԻՆԱԴԱԴԱՐԻՑ Է ԽՈՍՈՒՄ, ՈՒՐԵՄՆ ՊԱՏԵՐԱԶՄԸ ՉԻ՞ ԿԱՆԳՆԵԼՈՒ

Բեռ­լի­նում ա­մե­րի­կա­ցի­նե­րի եւ ուկ­րաի­նա­ցի­նե­րի բա­նակ­ցութ­յուն­ներն ա­վարտ­վե­ցին ա­ռանց վերջ­նա­կան արդ­յուն­քի: Բայց սրա­նով ամ­բող­ջա­կան գոր­ծըն­թա­ցը դեռ ա­վարտ­ված չէ: Ա­մեն դեպ­քում, ինչ­պես ե­րեկ հայտ­նեց Axios-ը, ԱՄՆ-ի եւ Ուկ­րաի­նա­յի աշ­խա­տան­քա­յին խմբե­րը կա­րող են բա­նակ­ցութ­յուն­ներ անց­կաց­նել այս շա­բա­թա­ վեր­ջին Մա­յա­միում:

ԻՆՉԻ ՄԱՍԻՆ ԲԱՆԱԿՑԵՑԻՆ ԲԵՌԼԻՆՈՒՄ

Բայց նախ տես­նենք, թե ին­չի հասց­րին Բեռ­լի­նի բա­նակ­ցութ­յուն­նե­րը: Հիմ­նա­կան հար­ցը, ո­րին բախ­վել եւ կանգ են ա­ռել, Դոն­բա­սից ուկ­րաի­նա­կան ու­ժե­րի դուրս­բե­րումն է: Մ­նա­ցա­ծի շուրջ, այս­պես թե այն­պես, հնա­րա­վոր է պայ­մա­նա­վոր­վել, լու­ծում­ներ գտնել, ո­րը կբա­վա­րա­րի նաեւ Մոսկ­վա­յին: Դոն­բա­սի հարցն այդ­պես չէ, այս­տեղ միայն կա´մ-­կա´մ­-ի տար­բե­րակն է. դուրս են գա­լիս, պա­տե­րազ­մը հնա­րա­վոր է շատ ա­րագ դա­դա­րեց­նել, դուրս չեն գա­լիս, կշա­րու­նակ­վի: Դա հաս­կա­նում են բո­լո­րը, եւ որ կա­րե­ւոր է ռու­սա­կան կող­մի հա­մար, ա­ռա­ջին հեր­թին՝ Թ­րամ­փը: Որ Դոն­բա­սի ամ­բող­ջա­կան վե­րահս­կո­ղութ­յունն այն նվա­զա­գույն կետն է, ո­րից հետ Մոսկ­վան ոչ թե պար­զա­պես չի քաշ­վի, այլ հենց այդ կե­տի ա­պա­հով­ման դեպ­քում կմտնի ի­րա­կան բա­նակ­ցութ­յուն­նե­րի դեմ՝ մյուս հար­ցե­րի հետ կապ­ված: Այ­սինքն, Թ­րամ­փի պատ­վի­րա­կութ­յան հա­մար ներ­կա պա­հին հենց այդ կետն ա­պա­հո­վելն է՝ Կիե­ւից ստա­նա­լով դրա հա­մա­ձայ­նութ­յու­նը:

Իսկ ա­հա Զե­լենս­կին հա­մա­ռում է: Չ­նա­յած, Բեռ­լի­նում նա բե­րեց տա­րաբ­նույթ պատ­ճառ-պա­հանջ­ներ, ո­րոնց գո­նե տե­սա­նե­լի գա­գա­թնա­կե­տը, այ­պես ա­սած, Ուկ­րաի­նա­յի հե­տա­գա անվ­տան­գութ­յան հարցն է, այ­սինքն, որ Ռու­սաս­տա­նը նո­րից չի հար­ձակ­վի: Դ­րա ի­մաս­տը եւս բո­լո­րը հաս­կա­նում են. ե­թե հի­մա պա­տե­րազ­մը կանգ առ­նի, ա­պա հնա­րա­վո­րութ­յու­նը, որ նո­րից Մոսկ­վան կանց­նի հար­ձակ­ման, չնչին է. այ­լա­պես պար­զա­պես ա­նի­մաստ է ներ­կա պա­հին կանգ առ­նե­լը, երբ ուկ­րաի­նա­կան բա­նա­կի հնա­րա­վո­րութ­յուն­նե­րը նվա­զա­գույ­նի են հա­սել, իսկ ռուս­նե­րը հար­ձակ­վում են բո­լոր ուղ­ղութ­յուն­նե­րով: Բայց մեկ է, Զե­լենս­կու հա­մար անվ­տան­գութ­յան այդ ար­հես­տա­կան թե­ման ըն­դա­մե­նը պատր­վակ է` բա­նակ­ցութ­յուն­նե­րը ձգձգե­լու հա­մար: Արդ­յուն­քում, Վա­շինգ­տո­նը կա­րո­ղա­ցավ գործ­նա­կա­նում փա­կել այդ թե­ման՝ հայ­տա­րա­րե­լով, որ Ուկ­րաի­նան կստա­նա ՆԱՏՕ-ի կա­նո­նադ­րութ­յան 5-րդ հոդ­վա­ծին հա­մար­ժեք ե­րաշ­խիք­ներ, բայց, հաս­կա­նա­լի է, ոչ ան­վերջ ժամ­կե­տով, այլ 5 տա­րով: Դա, թե­րեւս, Մոսկ­վա­յի հետ հա­մա­ձայ­նեց­ված կետ է. հնգամ­յա նման ե­րաշ­խի­քը, ե­թե նաեւ ա­պա­հով­վում է, որ Ուկ­րաի­նան եր­բեք ՆԱՏՕ մտնի, ա­րեւմտ­յան ու­ժեր այն­տեղ չեն տե­ղա­կայ­վի, ռուս­նե­րի հա­մար նոր­մալ տար­բե­րակ է:

Բայց, չնա­յած ան­գամ նման ե­րաշ­խի­քի, գո­նե ե­րեկ­վա դրութ­յամբ Զե­լենս­կին դեռ հա­մա­ռում էր` Դոն­բա­սը լքե­լու հետ կապ­ված: Թե ին­չու, դա ի սկզբա­նե էր հաս­կա­նա­լի: Այն պա­հին, երբ կհաս­նեն ցան­կա­ցած խա­ղա­ղութ­յան, հա­ջորդ քայ­լը լի­նե­լու է Ուկ­րաի­նա­յում նոր ընտ­րութ­յուն­նե­րը: Այն, որ Զե­լենս­կին վե­րար­տադր­վե­լու հնա­րա­վո­րութ­յուն պար­զա­պես չու­նի, նա բլո­րից լավ է հաս­կա­նում: Պար­զա­պես, պա­տե­րազ­մը դա­դա­րե­լուն պես նա ոչ թե միայն ԱՄՆ-ի, այլ նաեւ Եվ­րո­պա­յի հա­մար է ստա­նում ու­ղիղ զրո նշա­նա­կութ­յուն. նա չա­փա­զանց տոք­սիկ է, նրան ան­գամ մոտ գա­լը վա­րա­կիչ կլի­նի ցան­կա­ցած գոր­ծ­չի հա­մար: Իսկ ա­ռանց պաշ­տո­նի Զե­լենս­կին ուկ­րաի­նա­ցի­նե­րի հա­մար դառ­նում է ըն­դա­մե­նը սե­փա­կան եր­կի­րը ոչն­չաց­րած, մի­լիար­դա­վոր դո­լար­ներ թա­լա­նած մե­կը: Իսկ ուկ­րաի­նա­կան ար­մա­տա­կան թե­ւի հա­մար, ե­թե նաեւ ինք­նա­կամ Դոն­բա­սը հանձ­նի, Զե­լենս­կին դառ­նա­լու է սո­վո­րա­կան թի­րախ. հա­զիվ թե կա­րո­ղա­նա ան­գամ բան­տի դռնե­րին հաս­նել, որ այն­տեղ թաքն­վի: Գու­մա­րած, ան­գամ Լոն­դո­նը դժվար թե ցան­կա­նա ա­պաս­տան տալ մե­կին, ով նախ՝ չա­փա­զանց շատ բան գի­տի, երկ­րոր­դը, ար­դեն լիո­վին ի­րեն սպա­ռել է: Ա­ռա­վել եւս, որ Լոն­դո­նը տա­կից հրահ­րում է՝ պա­տե­րազ­մը շա­րու­նա­կել, եւ դա­դա­րեց­նե­լու դեպ­քում Զե­լենս­կին ար­դեն իսկ բրի­տա­նա­ցի­նե­րի հա­մար վե­րած­վում է թի­րա­խի: Սա է Զե­լենս­կու (եւ նրա մի շարք թի­մա­կից­նե­րի) հա­մար խա­ղա­ղութ­յան գի­նը:

ԿԿԱՆԳՆԻ՞ ՊԱՏԵՐԱԶՄԸ. ՈՐՈՇՈՂԸ ԶԵԼԵՆՍԿԻՆ Է

Մ­յուս կող­մից, պա­տե­րազ­մը կանգ­նեց­նե­լը Զե­լենս­կու հա­մար կա­րող է դառ­նալ անվ­տան­գութ­յան միակ տար­բե­րա­կը: Թե­րեւս ներ­կա պա­հին Թ­րամ­փը միակ մարդն է, ով կա­րող է Զե­լենս­կու անվ­տան­գութ­յունն ա­պա­հո­վել, այդ թվում, ե­թե բրի­տա­նա­ցի­նե­րը փոր­ձեն նրան լիկ­վի­դաց­նել: Բայց այս դեպ­քում էլ Զե­լենս­կու հա­մար կա այն հար­ցը, թե Թ­րամ­փը կցան­կա­նա՞ դա ա­նել, կամ այդ ե­րաշ­խիք­նե­րը որ­քա՞ն կտե­ւեն: Ի վեր­ջո, ե­թե այս պա­հին Զե­լենս­կին «գցի» գլո­բա­լիստ­նե­րին, եւ հա­ջորդ փու­լում նրանք ԱՄՆ-ում իշ­խա­նութ­յան գան, ա­պա ներ­կա­յիս բո­լոր ե­րաշ­խիք­նե­րը կո­պե­կի ար­ժեք չեն ու­նե­նա: Եվ նման է, որ այդ հնա­րա­վոր հե­ռան­կար­նե­րը նրան ման­րա­մաս­ն ներ­կա­յաց­վել են:

Սա­կայն պա­տե­րազ­մը չկանգ­նեց­նե­լը ա­ռաջ է բե­րում այլ խնդիր­ներ: Այս­պես, ա­մե­րիկ­յան կող­մը Բեռ­լի­նում եր­կու շատ պարզ հե­տե­ւանք­ներ ներ­կա­յաց­րեց, ընդ ո­րում, գործ­նա­կա­նում բա­ցա­հայտ: Նախ, ե­թե բա­նակ­ցութ­յու­ննե­րը ձա­խող­վում են, ա­պա Թ­րամ­փը դրա հիմ­նա­կան մե­ղա­վոր է հռչա­կե­լու հենց Զե­լենս­կուն, որ, թեեւ ուկ­րաի­նա­ցի­նե­րի 70-80 տո­կո­սը խա­ղա­ղութ­յուն է պա­հան­ջում (ըստ Թ­րամ­փի հայ­տա­րա­րութ­յան), բայց դեմ է գնում բո­լո­րին: Կարճ ա­սած, Վա­շինգ­տո­նը բա­ցա­հայ­տո­րեն սպառ­նում է միաց­նել Զե­լենս­կուն հե­ռաց­նե­լու օ­պե­րա­ցիան: Եվ նե­րուկ­րաի­նա­կան ի­րա­վի­ճա­կը լիո­վին նպաս­տում է դրան: Այն է՝ միայն վեր­ջին ժա­մա­նակ­ներս ուկ­րաի­նա­կան բա­նա­կը կորց­րեց երեք ա­ռանց­քա­յին քա­ղաք՝ Պոկ­րովս­կը, Սե­ւերս­կը եւ Վոլչանսկը, ուր որ է՝ կկորց­նի չոր­րոր­դը եւ հինգերորդը՝ շրջա­պատ­ված Միր­նոգ­րա­դը եւ Գուլյայպոլեն: Հստակ ուր­վագծ­վում է Լի­մա­նի եւ Կոնս­տան­տի­նով­կա­յի կո­րուս­տը, եւ այդ ա­մե­նը, բնա­կան է, ներ­քին բուռն ցնցում­նե­րի լայն հնա­րա­վո­րութ­յու­ններ է տա­լիս: Ա­ռա­վել եւս, հաշ­վի առ­նե­լով է­ներ­գե­տիկ հա­մա­կար­գի ներ­կա վի­ճա­կը, երբ ան­գամ ուկ­րաի­նա­կան աղբ­յուր­ներն են խո­սում, որ Ուկ­րաի­նա­յի լիա­կա­տար հո­սան­քազր­կու­մը տե­ղի կու­նե­նա ան­մի­ջա­պես այն բա­նից հե­տո, ե­թե բա­նակ­ցութ­յուն­ներն արդ­յունք չտան: Գու­մա­րած դրան շա­րու­նակ­վող կո­ռուպ­ցիոն սկան­դա­լը, եւ այս ընդ­հան­րա­կան վի­ճա­կը Զե­լենս­կուն ա­րե­նա­յից հե­ռաց­նե­լու հա­մար լուրջ հնա­րա­վո­րութ­յուն է տա­լիս ա­մե­րի­կա­ցի­նե­րին: Ընդ ո­րում, ա­րեւմտ­յան փոր­ձա­գի­տա­կան տար­բեր աղբ­յուր­ներ ար­դեն բա­ցա­հայտ են խո­սում Զե­լենս­կուն հե­ղաշրջ­ման մի­ջո­ցով հե­ռաց­նե­լու մա­սին, թեեւ ա­մե­րի­կա­ցի­նե­րը դեռ ու­նեն նրան ոչ լե­գի­տիմ նա­խա­գահ հռչա­կե­լու տար­բե­րա­կը:

Երկ­րորդ խնդի­րը գա­լիս է ռուս­նե­րից: Այս պա­հին ռազ­մա­ճա­կատ­նե­րում նման ի­րա­վի­ճակ է: Հա­րա­վում ռու­սա­կան ու­ժե­րը ճեղ­քել են ուկ­րաի­նա­կան պաշտ­պա­նութ­յան բո­լոր հին հա­մա­կար­գե­րը (մի քա­նի տա­րի շա­րու­նակ կա­ռուց­ված) եւ սպառ­նում են ոչ միայն աք­ցա­նա­վո­րել Զա­պո­րո­ժիեի ճա­կա­տում ուկ­րաի­նա­կան բո­լոր ու­ժե­րին, այլ շատ ա­րագ հաս­նել մարզ­կենտ­րոն Զա­պո­րո­ժիեին: Նաեւ այս պա­հին ռուս­նե­րը գրե­թե գրա­վել են կա­րե­ւո­րա­գույն պաշտ­պա­նա­կան հան­գույց­նե­րից մե­կը՝ Գուլ­յայ­պո­լեն: Նույն սպառ­նա­լիքն է նաեւ ողջ Դոն­բա­սի հա­մար՝ Պոկ­րովս­կի գրա­վու­մից հե­տո. այս­տեղ ռուս­ներն ար­դեն իսկ սպառ­նում են դուրս գալ Դոն­բա­սի ա­րեւմտ­յան սահ­ման՝ շրջան­ցե­լով ուկ­րաի­նա­կան վե­րահս­կո­ղութ­յան տակ գտնվող ողջ տի­րույ­թը: Հ­յու­սի­սում ռուս­նե­րը դուրս են գա­լիս Ս­լավ­յանսկ-Կ­րա­մա­տորս­կի գո­տի, եւ այլն: Այ­սինքն, միան­գա­մայն ի­րա­տե­սա­կան է, որ ե­թե ներ­կա պա­հին խա­ղա­ղութ­յուն չհաս­տատ­վի, ա­պա հա­ջորդ բա­նակց­ային փու­լե­րում ռուս­նե­րը էլ ա­վե­լի բարձր կար­գի պա­հանջ­ներ կա­ռա­ջադ­րեն: Հաշ­վի առ­նե­լով նաեւ, որ ե­թե Թ­րամ­փը բա­նակ­ցութ­յուն­նե­րի ձա­խող­ման միակ մե­ղա­վոր հռչա­կի Զե­լենս­կուն, ա­պա հնա­րա­վոր է դառ­նում, ու ան­գամ ՆԱՏՕ-ի խո­ղո­վակ­նե­րով Ուկ­րաի­նան չկա­րո­ղա­նա ա­մե­րիկ­յան զենք ստա­նալ:

Ընդ ո­րում, ռուս­նե­րի հե­տա­գա ա­ռաջ­խա­ղաց­ման հա­վա­նա­կա­նութ­յունն այս պա­հին ա­րեւմտ­յան աղբ­յուր­նե­րը սկսել են այն­քան բարձր գնա­հա­տել, որ ան­գամ ո­րոշ գլո­բա­լիստ­ներ են սկսել խո­սել, թե ա­վե­լի լավ է այս պա­հին տա­րածք­նե­րը հանձն­վեն՝ հե­տա­գա ա­վե­լի մեծ բար­դա­ցու­մնե­րից խու­սա­փե­լու հա­մար: Ըստ «քյար­թու» գլո­բա­լիստ, Լե­հաս­տա­նի նա­խա­գահ Տուս­կի՝ Ուկ­րաի­նա­յի կող­մից տա­րած­քա­յին զի­ջում­նե­րի հար­ցը հիմ­նա­րար է ԱՄՆ-ի հա­մար։ Այն է, պետք է դրան ըն­դա­ռաջ գնալ:

ՈՐՊԵՍ ՎԵՐՋԱԲԱՆ

Այս­պի­սով, շատ նման է, որ Բեռ­լի­նում ամ­բող­ջա­կան ի­րա­վի­ճա­կը եւ բխող հե­տե­ւանք­նե­րը հան­գա­մա­նո­րեն ներ­կա­յաց­վել են Զե­լենս­կուն՝ մի փոքր ժա­մա­նակ տա­լով վերջ­նա­կան ո­րո­շում կա­յաց­նե­լու հա­մար: Այ­սինքն, ե­թե այս շա­բաթ­վա վեր­ջին Մա­յա­միում նա­խա­տես­ված հան­դի­պու­մը կա­յա­նա, կնշա­նա­կի, որ դեռ հույ­սեր կան, որ պա­տե­րազ­մը կա­րող է ար­դեն այս տա­րի ա­վարտ­վել:

Ա­մեն դեպ­քում, Թ­րամ­փը քա­նիցս խո­սեց մին­չեւ Սուրբ ծնունդ (կա­թո­լի­կա­կան), այն է՝ դեկ­տեմ­բե­րի 25-ը բա­նակ­ցութ­յուն­ներն ա­վար­տե­լու մա­սին: Այ­սինքն, ինչ­պես նաեւ ա­մե­րիկ­յան աղբ­յուր­ներն են գրում, դա այն վեր­ջին ժա­մա­նակն է, ո­րից հե­տո բա­նակ­ցու­թյուն­նե­րը, ըստ ա­մե­նայ­նի, կանգ կառ­նեն: Ընդ ո­րում, ա­մե­րիկյան ո­րոշ աղբ­յուր­ներ նաեւ ԱՄՆ-ի կող­մից անվ­տա­գութ­յան ե­րաշ­խիք­ներ տա­լը հա­մա­րում են Սուրբծննդյան «զեղ­չեր», որն ար­դեն բա­նակ­ցա­յին հա­ջորդ փու­լե­րում, ա­սենք՝ ձմռան վեր­ջե­րին կամ գար­նա­նը այ­լեւս չեն գոր­ծի:

Ի դեպ, բա­վա­կա­նին տա­րօ­րի­նակ ակ­նարկ ե­ղավ նաեւ Մեր­ցից. ըստ նրա, Եվ­րո­պան կդի­մի Վ­լա­դի­միր Պու­տի­նին՝ Սուրբծննդ­յան տո­նե­րին հրա­դա­դար հայ­տա­րա­րե­լու խնդրան­քով (նա ցան­կա­նում է, որ այն լի­նի դեկտեմբե­րի 25-ից մինչեւ հուն­վա­րի 7-ը, որ­պես­զի լի­նի եր­կու Սուրբ  ծ­նունդ (կա­թո­լի­կա­կան եւ ուղ­ղա­փառ): Այ­սինքն, դրա­նով Մերցն ու­զում է ա­սել, որ մին­չեւ Սուրբ  ծ­նունդ պայ­մա­նա­գիր կնքե­լու Թ­րամփ­ի ա­ռա­ջար­կը մերժ­վա՞ծ է. այ­լա­պես զի­նա­դա­դա­րի կա­րիք առ­հա­սա­րակ չէր լի­նի: Բայց ե­թե մերժ­ված է, եւ պա­տե­րազ­մը շա­րու­նակ­վե­լու է, հարց է ա­ռա­ջա­նում՝ իսկ ռուս­ներն ին­չո՞ւ պետք է ըն­դա­ռա­ջեն եւ հրա­դա­դա­րի հա­մա­ձայ­նութ­յուն տան: Այ­սինքն, որ ուկ­րաի­նա­կան կող­մին եր­կու շա­բաթ ժա­մա­նակ տան ճեղք­վածք­նե­րը փա­կե­լու, ու­ժե­րը վե­րախմ­բա­վո­րե­լու, զենք-զի­նամ­թերք կու­տա­կե­լու եւ մո­բի­լի­զա­ցիան շա­րու­նա­կե­լու հա­մա՞ր:

Թե­րեւս, սա նաեւ Թ­րամ­փի հա­մար է հա­վել­յալ ազ­դակ, թե ի­րա­կա­նում որ­տե­ղից է թե­ւեր ստա­նում Զե­լենս­կին:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝