Ժիրինովսկու պատվին ՌԴ-ում Մոսկվա-Ադլեր երթուղով գնացք կգործարկվի
Միջազգային
«Ռուսական երկաթուղիներ» ընկերությունը դեկտեմբերի 25-ին Մոսկվա-Ադլեր երթուղով կգործարկի «Ռուսաստան. Ժիրինովսկի» անվանական գնացքը՝ ի պատիվ քաղաքական գործչի ծննդյան 80-ամյակի։ Այս մասին հոբելյանական միջոցառումների նախապատրաստման և անցկացման կազմկոմիտեի նիստում հայտնել է ԼԴՊԿ նախագահ Լեոնիդ Սլուցկին, փոխանցում է «Կոմերսանտ»-ը։
«Մեր ծրագրի միջոցառումները մտահղացված են այնպես, որ մարդկանց հետ խոսեն հասկանալի լեզվով՝ մշակույթի, լուսավորության, կրթության, հանրային տիրույթի և հաղորդակցության միջոցով, Ժիրինովսկու գաղափարների և տեքստերի արխիվին ուղիղ հասանելիության միջոցով»,- ասել է Լեոնիդ Սլուցկին։
Բացի գնացքի գործարկումից, հոբելյանի առթիվ կանցկացվեն հիշատակի համերգ, «Ժիրինովսկու ընթերցումներ» գիտակրթական ֆորումը, իսկ Մոսկվայի «Մանեժ» կենտրոնական ցուցասրահում կբացվի «Հավերժ Ժիրինովսկի» ցուցահանդեսը։
Ինչպես նիստից հայտնել է TASS-ի թղթակիցը, Լեոնիդ Սլուցկին կազմկոմիտեի անդամներին հանձնել է կասետային նվագարկիչներ՝ ԼԴՊԿ հիմնադրի ելույթների ու երգերի ձայնագրություններով, ինչպես նաև նվեր՝ ջինսե բաճկոններ։ Գործակալության տեղեկություններով՝ յուրաքանչյուր բաճկոնի (այսպես կոչված՝ «վարյոնկայի») թիկունքին զետեղված է Վլադիմիր Ժիրինովսկու մեջբերումը. «Եթե խաղաղության համար պետք է կռվել՝ մենք կռվում ենք»: Ըստ TASS-ի՝ նվերներ են ստացել նաև Ֆինանսների նախարար Անտոն Սիլուանովը, Տրանսպորտի նախարար Անդրեյ Նիկիտինը և փոխվարչապետ Դմիտրի Գրիգորենկոն։
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
Մոսկվա է ժամանել Սիրիայի պատվիրակությունը 
Ռուսական հացահատիկով բեռնված գնացքը Ադրբեջանի տարածքով ուղևորվում է Հայաստան 
Եվրասիայի աշխարհաքաղաքական քարտեզը մտնում է նոր վերաձևավորման փուլ.Թեհրան–Մոսկվա–Երևան ռազմավարական եռանկյունի 
Մոսկվա-Երևան չվերթը չեղարկվել է. ԱԹՍ-ի հարձակման վտանգ կա 
Ուիթքոֆը մեկնել է Մոսկվա 
1
25631 դիտում
2
3851 դիտում
3
2290 դիտում
4
2139 դիտում
5
2013 դիտում
1
41962 դիտում
3
8977 դիտում
4
8133 դիտում
5
5096 դիտում
3
18053 դիտում
4
10528 դիտում
5
9917 դիտում
