Գրենլանդիայի համար ճակատամարտը սկսվել է

Թրամփը մարտահրավեր է նետել Դանիային և ԵՄ-ին՝ ՆԱՏՕ-ին դնելով անհարմար դրության մեջ. Գրենլանդիայի համար ճակատամարտը սկսվել է։

Գրենլանդիան գրավելն ԱՄՆ նախագահի վաղեմի երազանքն է եղել։ Այն նույնիսկ ներառված է երկրի նոր Ազգային անվտանգության ռազմավարության մեջ։

Սրանով հանդերձ, օրերս հերթական անգամ խոսելով Գրենլանդիան վերցնելու անհրաժեշտության մասին, Թրամփը «Լուիզիանայի գերազանց նահանգապետ Ջեֆ Լանդրիին» նշանակել է Գրենլանդիայի հարցերով ԱՄՆ հատուկ դեսպան։ Այդպիսով ֆիքսելով` վերադարձ արդեն չկա։

Ինչպես Սպիտակ տան գործող նախագահը գրել է Truth Social-ում. «Ջեֆը հասկանում է, որ Գրենլանդիան կենսական նշանակություն ունի մեր ազգային անվտանգության համար և եռանդուն կերպով կպաշտպանի մեր երկրի շահերը մեր դաշնակիցների և, իհարկե, ամբողջ աշխարհի անվտանգության և գոյատևման համար»։

Այստեղ գործում է ամերիկյան ավանդական երեսպաշտությունը. ԱՄՆ-ին աշխարհի ամենամեծ կղզին, որը գտնվում է Արևմտյան կիսագնդում, անհրաժեշտ է տնտեսական (հազվագյուտ մետաղներ), ռազմավարական (օդային պաշտպանություն) պատճառներով: Ամենակարեւորը` Գրենլանդիան լայն ճակատով ելք է դեպի Արկտիկա և դրա հարստություններ։ Իսկ դրա համար Եվրոպայից և Դանիայից պետք է պարզապես խլել այդ «հյութալի պատառը»։

Հաշվի առբելով, որ Դոնալդ Թրամփն արդեն ունի Գրենլանդիայի հարցով հատուկ դեսպանորդ, դա բոլորին ազդակ է, որ «Գրենլանդիայի հարց», որպես այդպիսին, նա բերում է առաջնային օրակարգ: Այկսինքն, մինչ Եվրոան խոսում է «ռուսական ներխուժման» մասին, իրական ներխուժումը եւ տարածքային հստակ հավակնությունը եկավ այլ կողմից` նույն Եվրոպայի անվտանգության երաշխավորից: Չնայած, երեւի նույնիսկ սա եվրոպացիներին չի ստիպի` հրաժարվել Ռուսաստանին գլխավոր սպառնալիք համարելուց։ Բայց տեսնենք. Գրենլանդիան հանձնելը հաստատ Եվրամիությունից որեւէ բան չի թողնի:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝