Փիլիսոփա Դուգինը կոչ է արել ՌԴ իշխանություններին` դադարեցնել Թրամփին հաճոյախոսելը

Փիլիսոփա Ալեքսանդր Դուգինը կոչ է արել Ռուսաստանի իշխանություններին` դադարեցնել Թրամփին հաճոյախոսելը.

«Կարծում եմ՝ մենք չափազանցնում ենք Թրամփի նկատմամբ մեր հաճոյախոսական վերաբերմունքով։ Նա ուզում է ցույց տալ, որ ինքը վեճից վեր է, իսկ մենք խաղում ենք նրա հետ։ Բայց նա արբիտր չէ, դատավոր չէ։ Նա հակամարտության անմիջական մասնակից է։ Այդպես է առայժմ։ Եվ մեր հաղթանակը, անշուշտ, կախված չէ նրանից։ Այն կախված է Աստծուց և մեզանից։
Ահա թե ինչու, մեր նախագահի նստավայրի վրա հարձակումից հետո, մենք անմիջապես տեղեկացրինք Թրամփին, որ դուրս չենք գալիս բանակցություններից։ Եվ ամենակարևորը՝ անմիջապես։ Կարծես վախենում ենք նրան զայրացնելուց։ Սա ինքնիշխան վարքագիծ չէ։

Թրամփը և մենք ունենք ընդհանուր թշնամի՝ լիբերալ գլոբալիստները։ Բայց արդյոք Թրամփն ինքը մտադի՞ր է լրջորեն պայքարել նրանց դեմ։ Եթե այո, ապա նա օբյեկտիվորեն պետք է մեզ տեսնի որպես դաշնակից։ Եվ ԵՄ-ն ու Զելենսկին՝ որպես թշնամիներ։ Բայց ոչ թե կռվից վեր։

Մենք պետք է հստակ տարբերակենք MAGA գաղափարախոսությունը, որը մեզ հետ շատ առումներով արձագանք է գտնում, և Թրամփի օպորտունիզմը, որը պատրաստ է գործարքներ կնքել Էպշտեյնի, նեոկոնսերվատորների, «Խորը պետության» կամ նույնիսկ սատանայի հետ։ Նրա համար աշխարհը կազմված է գործարքներից։ Մեզ համար այն տարբեր է։ Այն պետք է տարբեր լինի»։

Տես նաեւ https://t.me/iravunk/62765 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝