Թրամփը սպառնում է Իրանի իշխանություններին
ՄիջազգայինԵթե Իրանը կրակ բացի և դաժանորեն սպանի խաղաղ ցուցարարներին, ինչը, ցավոք, նրանց համար սովորական պրակտիկա է, Ամերիկայի Միացյալ Նահանգները կհասնի նրանց օգնության, գրել է Միացյալ Նահանգների նախագահ Դոնալդ Թրամփը։

«Մենք լիովին կազմակերպված և բեռնված ենք ու պատրաստ ենք գործել»,- ասել է Թրամփը։
Իրանում զանգվածային անկարգությունները շարունակվում են անդադար, բողոքի ակցիաների ակտիվությունը պահպանվում է նաև գիշերային ժամերին։
Անկարգությունները շարունակում են պայմանավորված լինել ծանր սոցիալ-տնտեսական իրավիճակով. գնաճը մոտեցել է 40%-ի, իսկ ազգային արժույթն արագորեն արժեզրկվում է։ Այս ֆոնին սննդամթերքի գները բարձրացել են 60-70%-ով։