Ուկրաինական ուժերի վիճակը Լիմանում դարձավ կատասկտոֆիկ (Քարտեզ)

Այն բանից հետո, երբ օրերս Լիմանի հյուսիսային թեւում ռուսական ուժերը ճեղքեցին պաշտպանությունը` դուրս գալով Սվետոգորսկի հատված, ուկրաինական ուժերի վիճակկն այս ուղղությամբ դարձավ կատաստրոֆիկ:

Բանն այն է, որ ռուսները Սվետոգորսկում հասան Սեւերսկի Դոնեց գետին, որն շրջապատման վտավգի առաջ կանգնեցրեց Յարովայա բնակավայրը պաշտպանող ուկրաինական ուժերին: Արդյունքում, ռուսները հիմնականում գրավեցին Յարովայան, որն ուկրաինական ուժերը մինչ այդ համառորեն պաշտպանում էին:

Այդպիսով, ռուսական ուժերն արդեն Յարովայայից սկսում են գրոհել Սեւերսկի Դոնեցի երկայնքով, դրանով դուրս գալով Լիմանի տիրույթի արեւմտյան թեւ (Քարտեզ 2):

Այս վիճակն էլ ավելի է բարդանում` հաշվի առնելով հարձակումը, որը ռուսներն իրականացնում են Լիմանի հարավում: Այն է, Դիբրովայայի հատվածից` հյուսիս-արեւմտյան ուղղությամբ: Այստեղ ռուսներն արդեն գործնականում վերահսկում են Սլավյանսկ-Լիման մայրուղին (Քարտեզ 2, 3): 

Այս իրավիճակում առանցքային է դառնում Շուրովո բնակավայրի հատվածը, որի ուղղությամբ ռուսները շարժվում են հյուսիսից եւ հարավից, եւ որի գրավումը Լիմանի ողջ տիրույթի համար կդառնա ամբողջական շրջապատում: Ու դատելով հարձակման տեմպերից, այդ խնդիրը կարող է լուծվել ամենամոտ ժամանակներս:

Իսկ Լիմանի կորուստը կնշանակի, որ ռուսները դուրս են գալիս Հյուսիսային Դոնբասում ուկրաինական պաշտպանության հիմնական եւ վերջին կենտրոնի` Սլավյանսկ-Կրամատորսկ անգլոմերացիայի հյուսիսային հատված:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝