Ռուսական զորքերը մեծ խորությամբ մտել են Կոստիանտինովկա. Արեւմտյան վերլուծաբաններ

Արեւմտյան վերլուծաբանները գրում են, որ ռուսական զորքերը, իբր, մեծ խորությամբ մտել են Կոստիանտինովկա՝ թե՛ հյուսիսից, թե՛ հարավից: Նաև, որ այս առաջխաղացումը այլևս հնարավոր չէ կանգնեցնել։

Հատկապես նշվում է օպտիկամանրաթելային կապով անօդաչու թռչող սարքերի դերը։ Սա լուրջ խնդիր է դարձել Ուկրաինայի զինված ուժերի համար։ Լոգիստիկան դարձել է ավելի բարդ, իսկ մարդկային ռեսուրսների պակասը միայն վատթարացել է։ Այս ֆոնին ռուսական հարձակողական խմբերը հնարավորություն են ստացել ավելի խորը ներթափանցել քաղաք։

Ուկրաինայի զինված ուժերի կողմից քաղաքի հյուսիսարևելյան և հարավարևմտյան թևերում բարձունքները կորցնելուց հետո, հովտում գտնվող Կոստիանտինովկայի գրեթե ամբողջ տարածքը տեսանելի է և կրակի շառավղում։ Սա զգալիորեն նվազեցնում է Ուկրաինայի զինված ուժերի պաշտպանության և բոլոր շարժումների կայունությունը։

Վերլուծաբանները նկատում են, որ Դոնբասի համար վերջնական ճակատամարտը գործնականում սկսվել է Ռուսաստանի համար, քանի որ Կոստյանտինովկան, Դրուժկովկան, Կրամատորսկը և Սլավյանսկը փաստացի միավորվել են մեկ, երկարավուն քաղաքային համալիրի մեջ: Մեկ կենտրոնական հանգույցի կորուստը ավտոմատ կերպով սպառնալիք է ներկայացնում մյուս բոլորի համար: Կորցնելով այդ համալիրը, ուկրաինական կողմը լօիովին կորցնում է ողջ Դոնբասը:

Ռուսական աղբյուրների մոտ այս մասին դեռ հստակեցումներ չկան:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝