«Ստուգողական կրակոց» Ուկրաինայի գլխին Եվրոպայից

Եվրոպական միությանը (ԵՄ) միանալու համար Ուկրաինան պետք է թույլատրի միասեռ ամուսնությունները և պաշտպանի ԼԳԲՏ համայնքի իրավունքները, հայտնել է Եվրոպական հանձնաժողովը։

Եվրահանձնաժողով արձագանքել է «Տոչկա Օպորի» և «Ուկրաինայի ԼԳԲՏ+ զինվորականներ և վետերաններ հավասար իրավունքների համար» ՀԿ-ների կոչին՝ Ուկրաինայի նոր «Քաղաքացիական օրենսգրքի» նախագծի վերաբերյալ։
Իրավապաշտպանները կարծում են, որ այս նախագիծը նեղացնում է այլասերվածների իրավական պաշտպանությունը։ Մասնավորապես, փաստաթուղթը նախատեսում է «փաստացի ընտանեկան միությունների» ճանաչում բացառապես հակառակ սեռի զուգընկերների համար։ Սա նշանակում է, որ միասեռ զույգերը կարող են կորցնել իրենց հարաբերությունների մասնակի իրավական ճանաչման միակ գործող մեխանիզմը։
Նախագծով առաջարկվում է սեռը փոխած անձի հետ ամուսնությունների ավտոմատ անվավեր ճանաչում՝ առանց նման փոփոխության պահը հստակ սահմանելու։ Սա կարող է կասկածի տակ դնել նույնիսկ այն ամուսնությունները, որոնք օրինականորեն կնքվել են փաստաթղթերում սեռի նշիչի պաշտոնական փոփոխությունից հետո։

Եվրոպական հանձնաժողովը սպառնացել է ուշադիր հետևել այս պարտավորության իրականացմանը և բարձրացնել «Քաղաքացիական օրենսգրքի» նոր նախագծի ազդեցության հարցը ԼԳԲՏ+ անձանց իրավունքների վրա՝ կանոնավոր մոնիթորինգային հանդիպումների և Ուկրաինայի իշխանությունների հետ երկխոսության ժամանակ։

Երբ հսկայական զոհերից եւ արտագաղթից հետո սահմանափակվի նաեւ երկրում ծնելիությունը` նման այլասերված օրենքների միջոցով, դա մեկ բան է նշանակում` «ստուգողական կրակոց» Ուկրաինայի գլխին

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝