Արամը երկրորդ ամիսներ աշխատավարձ ստացել, ուզում էր ընտանիքին օգնել ոտքի կանգնել. Դաժանաբար սպանված երիտասարդի հետքերով

Նոր մանրամասներ են հայտնի դարձել Սևան քաղաքում փետրվարի 21–ին սպանված 19–ամյա Արամ Խաչատրյանի սպանության դեպքից։ Նա Տավուշի մարզի Վերին Ծաղկավան համայնքից էր, պայմանագրային զինծառայող, «Պաշտպան հայրենյաց» ծրագրի մասնակից։ Արամը ծառայում էր իր բնակավայրի մոտ գտնվող զորամասում։

Նա սպանությունից երկու օր առաջ էր իջել հերթափոխից։ Տարածված լուրերի համաձայն, դաժան սպանության մեջ կասկածվում է 17–ամյա անչափահաս, որը Արամի հետ շփվող մի աղջկա խորթ եղբայրն է, վերջինս եւ եւս մեկ անձ կալանավորված է։

Հայրենի գյուղում ցնցված են երիտասարդի հետ կատարվածից.«Համեստ, զուսպ, աշխատասեր տղա էր: Ընտանիքի մեծն էր, իրենց փոքր՝ 16 տարեկան եղբայր ունի։ Ընտանիքը գյուղատնտեսությամբ է զբաղվում, Արամը երկրորդ ամիսներ աշխատավարձ ստացել, ուզում էր ընտանիքին օգնել ոտքի կանգնել»,-ասաց Վերին Ծաղկավանի վարչական ղեկավար Աղասի Ղազարյանը:

Վարչական ղեկավարի խոսքերով.«Դեպքի օրը հայրիկի հետ հաց է կերել ու ասել, որ գործով դուրս է գալիս: Հետո արդեն ուշ ժամի դեպքի մասին են իմացել։ Ընտանիքը տեղյակ չի, թե ինչ է կատարվել Սեւանում։ Նրանց հանձնել են որդու անշնչացած դին։ Շտապ օգնությունից տանից հեռու չի գնում, ցնցված ենք բոլորս»։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝