Կինը դիմել է ոստիկանություն և հայտնել, որ ընկերուհու հետ հյուրանոցում երկու տղամարդու հետ սեռական հարաբերություն ունենալուց հետո, նրանք հեռացել են, իսկ հետո պարզվել է, որ վճարված 20 հազար դրամանոցը կեղծ է

Փետրվարի 23-ին, արտառոց դեպք է տեղի ունեցել Երևանում։ Ժամը 16։50-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Շենգավիթի բաժին է դիմել Երևանի բնակիչ 40-ամյա Գոհար Գ․-ն և հայտնել է, որ նույն օրը ժամը 15։30-ի սահմաններում իր ընկերուհու, Կոտայքի մարզի բնակիչ 48-ամյա Ռուզաննա Բ․-ի հետ միասին գտնվել են Բագրատունյաց պողոտայի 52/1 հասցեում գտնվող «Ասալա» հյուրանոցում երկու տղամարդու հետ և նրանց հետ սեռական հարաբերություն ունենալու համար իրեն վճարել են 20 հազար ՀՀ դրամ թղթադրամ։

Ինչպես հայտնում է ֆոտոլրագրող Գագիկ Շամշյանը, կինը ոստիկաններին հայտնել է, որ սեռական հարաբերությունից հետո «ՎԱԶ 2107» մակնիշի ավտոմեքենայով տղամարդիկ հեռացել են, այնուհետև պարզվել է, որ 20 հազար ՀՀ դրամանացի վրա առկա է հուշանվեր գրառումը։

Ոստիկանության Շենգավիթի բաժնի ծառայողների կողմից ձեռնարկվում են միջոցառումներ հանցանք կատարած անձին պարզելու և հայտնաբերելու ուղղությամբ։

Դեպքի փաստով ոստիկանության Շենգավիթի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժին։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

 

Սկզբնաղբյուրը՝ shamshyan.com