ԿՈՒՐՍԿԻ ՊԱՏՎԻՐԱԿՈՒԹՅԱՆ ՃԱՆԱՉՈՂԱԿԱՆ ԱՅՑԸ ԳՅՈՒՄՐԻ

 Մարտի 20-ին, Գյումրիում հյուրընկալվեց ՌԴ Կուրսկի նահանգի պատվիրակությունը, փոխնահանգապետ Սերգեյ Ֆոֆանովի գլխավորությամբ։Iravunk. com -ի Շիրակի մարզի թղթակիցը ներկա է գտնվել ։Հանդիպումը անցավ ջերմ ու կառուցողական մթնոլորտում, նպատակ ուներ ամրապնդելու դեռևս 2016֊ից հաստատված համագործակցության հուշագիրը Կուրսկի և Գյումրիի միջև։ Կուրսկի փոխնահանգապետ Սերգեյ Ֆուֆանովը, խոսելով տնտեսական հարաբերությունների մասին, փաստեց զգալի առաջընթաց։ Ավելացրեց, որ նկատում են հսկայական ներուժ թե Հայաստանում, թե Գյումրիում տնտեսական առաջընթացի համար։ Նշվեց, որ Կուրսկից Հայաստան հիմնականում ներկրվում են արտադրական հումք, մեքենասարքավորումներ և հրուշակեղեն, իսկ Հայաստանից արտահանվում է սև մետաղ, հագուստ և սննդամթերք։ Գյումրիի քաղաքապետին փոխարինող Ավետիս Առաքելյանն ու նրա տեղակալ Գագիկ Մանուկյանը, շեշտեցին Կուրսկի հետ համագործակցության մեծ հեռանկարները։ Նրանք նշեցին, որ քաղաքի համար խիստ արժեքավոր է ռուսական կողմի ակտիվ ներկայությունը, ինչը նպաստում է երկկողմ հարաբերությունների ջերմացմանը։ Պատվիրակությունը ապա այցելեց Գյումրիում տեղակայված 102֊րդ ռուսական ռազմական բազա, որտեղ հյուրերին դիմավորեց հրամանատարի ժպ Անդրեյ Մեդինսկին։

Հյուրերը մոմեր վառեցին ռազնաբազայում գտնվող 1842֊ին կառուցված Սուրբ նահատակ թագուհի Ալեքսանդրիայի տաճարում, եղան նաև պատմության թանգարանում, հետո այցելեցին Գյումրիի հանրահայտ «Սև Բերդ» ամրոց ու Սուրբ Միքայել հրեշտակապետի եկեղեցի։ Շրջայցի ընթացքում հյուրերը եղան նաև Գյումրիի Կուրսկի հրապարակում։ Այս հրապարակը 2 բնակավայրերի բազմամյա բարեկամության վառ ապացույցն է, որը տարիներ առաջ բացվել է հենց այդ սերտ փոխհարաբերությունների ու գործակցության շնորհիվ, դառնալով յուրօրինակ կամուրջ քույր քաղաքների միջև։ Այցի ավարտին, կողմերը վերահաստատեցին պատրաստակամությունը էլ ավելի խորացնելու երկկողմ կապերը։ Հույս հայտնվեց, որ նմանատիպ փոխայցելությունները կկրկեն պարբերական բնույթ, դառնալով նոր գործնական ձեռքբերումների հիմք։ Երկու քույր քաղաքների միջև հաստատված ջերմ հարաբերությունները նոր էջ կբացեն հատկապես արտադրական և մշակութային ոլորտներում, նպաստելով ինչպես տնտեսական ցուցանիշների աճին, այնպես էլ ժողովուրդների միջև դարավոր բարեկամության ամրապնդմանը։ Գյումրին և Կուրսկը պատրաստ են շարունակել համատեղ ճանապարհը, իրականություն դարձնելով նշված բոլոր ծրագրերն ու նախաձեռնությունները։

ՀՈՎՀԱՆՆԵՍ ՍԱՐԳՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝