Հետ տվեք մեր «կռիլոներն ու պագռիշկաները»

Գարուն ա, անձրեւ ա արել... Ու դրա ֆոնին վարորդները Երեւանքաղաքի բոլոր փոսերը հաշված ունեն, հատկապես գիշերով, երբ ասֆալտը չկա, իսկ փոսերը անձրեւաջրերով են ողողված ու բացարձակ տեսանելիությունը չի նպաստում, որպեսզի դրանք շրջանցեն:Ցերեկով, էլի գոնե մի կերպ մեքենաներն իրար վրա բարձրանալով շրջանցում են, բայց երբ գալիս է գիշերը, ով ինչքան «կռիլո» ու «պագռիշկա» ունի քանդուքարափ անելով՝ զանգում է «խադավիկին»:

Մեքենա սարքողների աչքը լույս, բայց նրանք էլ են արդեն հոգնել, քանի որ օրը անսահման քանակությամբ ջարդուխուրդ եղած մեքենա են սարքում:Բայց ստացվում է,որ Երեւանի քաղաքապետի եւ նրա ողջ աշխատակազմի «անիվներինչեն» ասֆալտի խայտառակ վիճակը:Թե բա՝ անձրեւներ են, դեռ չենք կարող ասֆալտապատման աշխատանքներ սկսել:Բա, պարոնա՛յք, մի բան մտածեք, մի ելք գտեք: Իրականությունը նկատեք, օդերից իջեք ու իրական խնդիրներով զբաղվեք՝ մեկ-մեկ:

Ամեն տարի քաղաքացուց ահռելի գումարներ եք վերցնում մեքենաների գույքահարկի եւ բնապահպանման քողի տակ, սակայն ոչինչ չեք անում սպասարկման որակը բարելավվելու առումով:Հետեւաբար, այս ողջ շրջանի գույքահարկը հանեք վարորդների վրայից, հաշվարկ կատարեք եւ փոխհատուցում տվեք:

Պարզ բացատրում են քաղաքացիները՝ տաքսի են վարում, որ օրվա հաց հասցնեն իրենց ընտանիքներին, սակայն վաստակած գումարը տանում ու անիվ կամ այլ բան են վերանորոգում՝ ձեր անտերության մատնած փողոցների պատճառով:Որքա՞ն ու մինչեւ ե՞րբ եք ջայլամի հոգեբանությամբ շարունակելու ապրել: Այն կարկտանները, որոնք անում են վարչական շրջաններում, դիմանում են ընդամենը մեկ անձրեւի, իսկ հետո, կրկին խցանումներ, ջրափոսեր,Վենետիկի վերածվածփողոցներ ու կոտրված բազում մեքենաներ քարշակների վրա:

Նման մոտեցման համար վարորդները պետք է դիմեն իրավապահ մարմիններին փոխհատուցում եւ գույքահարկի մարման պահանջով, սակայն մինչ այս պահըչկա մի անձ, մի կազմակերպություն՝ սկսած տենդերներից վերջացրած վերահսկողներով, որ պատասխանատվության ենթարկված կլինի քաղաքում տիրող խայտառակ իրավիճակի համար:

Վերջապես խնդիրը պետք է լուծում ստանա, քանի որ անձրեւներ տեղալու են դեռ երկար, իսկ մարդիկ այդքան նյարդ, ժամանակ ու գումար չունեն կրկին«կռիլոներն ու պագռիշկաները» վերանորոգելու:

ՆԱՆԱ ՍԱՐԳՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝