Հանրապետությունում սպասվում են տեղումներ

Հանրապետության շրջանների զգալի մասում` ապրիլի 21-ին, 22-ի գիշերը, 23-ի ցերեկը, 24-25-ն առանձին շրջաններում սպասվում է անձրև, առանձին հատվածներում՝ ամպրոպ։ Ապրիլի 21-ին առանձին շրջաններում տեղումները կլինեն ինտենսիվ։ Ապրիլի 21-22-ը տեղումները լեռնային շրջաններում գիշերը և առավոտյան ժամերին կլինեն թաց ձյան տեսքով։ Ապրիլի 22-ի ցերեկը, 23-ի գիշերը սպասվում է առանց տեղումների եղանակ։

Քամին` հարավարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 16-19 մ/վ արագությամբ:

Օդի ջերմաստիճանն ապրիլի 22-24-ի ցերեկային ժամերին աստիճանաբար կբարձրանա 5-7 աստիճանով։

Երևանում ապրիլի 21-ին, 22-ի գիշերը, 23-25-ի կեսօրից հետո սպասվում է անձրև և ամպրոպ, ապրիլի 21-ի գիշերը՝ ինտենսիվ։ Ամպրոպի ժամանակ՝ քամու ուժգնացում՝ մինչև 15-18 մ/վ արագությամբ։ Ապրիլի 22-ի ցերեկը, 23-25-ի գիշերային ժամերին սպասվում է առանց տեղումների եղանակ։

Երևան քաղաքի ապրիլի 21-ի բազմամյա կլիմայական տվյալներ.

Օդի առավելագույն ջերմաստիճան՝ 28.1°C (1959թ.)

Օդի նվազագույն ջերմաստիճան՝ -7.4°C (1987թ.)

Օդի միջին օրական ջերմաստիճան՝ 12.7°C

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝