2026 թվականի հունվար-մայիսին Վրաստանի զբոսաշրջությունից ստացված եկամուտները նվազել են 2.1%-ով

Galt & Taggart-ի տվյալներով՝ 2026 թվականի հունվար-մայիս ամիսներին Վրաստանի զբոսաշրջային եկամուտները նվազել են 2.1%-ով և կազմել 1.5 միլիարդ դոլար։

Միևնույն ժամանակ, վերլուծաբանները նշում են, որ մարտ-ապրիլ ամիսներին գրանցված անկումից հետո, մայիսին ոլորտը վերականգնման նշաններ է ցուցադրել․ զբոսաշրջությունից ստացված եկամուտներն աճել են 3.5%-ով՝ տարեկան կտրվածքով և հասել 380 միլիոն դոլարի։

Ավելի վաղ մարտ-ապրիլ ամիսների անկումը կապվում էր Մերձավոր Արևելքի երկրներից զբոսաշրջիկների հոսքի նվազման հետ։

Galt & Taggart-ի կանխատեսմամբ՝ 2026 թվականի արդյունքներով Վրաստանի զբոսաշրջային եկամուտները կարող են հասնել 4.9 միլիարդ դոլարի։ Սակայն 100 միլիոն դոլարով նվազեցրել է իր նախնական կանխատեսումը՝ դա բացատրելով Իրանում պատերազմի հետևանքներով։

Համեմատության համար նշվում է, որ 2025 թվականին Վրաստանը միջազգային զբոսաշրջությունից ստացել է 4.69 միլիարդ դոլար եկամուտ, ինչը 6%-ով գերազանցել է 2024 թվականի ցուցանիշը։

Եկամուտների աղբյուր հանդիսացող երկրների շարքում առաջին տեղում եղել է Ռուսաստանը՝ 694 միլիոն դոլար ցուցանիշով։ Նրան հաջորդում են Թուրքիան՝ 606 միլիոն դոլար, Իսրայելը՝ 586.3 միլիոն դոլար, Ադրբեջանը՝ 223 միլիոն դոլար և Հայաստանը՝ 169.5 միլիոն դոլար։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝