Ինչ է նշանակում Թրամփի վերադարձն ուկրաինական ուղղություն

Ինչ­պես քանիցս են­թադ­րութ­յուն հայտ­նե­լո­ւ ա­ռիթ­ներ ու­նե­ցել ենք, ի­րա­նա­կան հա­կա­մար­տութ­յու­նից ա­զատ­վե­լուն պես Թ­րամ­փի հիմ­նա­կան ու­շադ­րութ­յու­նը կվե­րա­դառ­նա ուկ­րաի­նա­կան ուղ­ղութ­յուն: Դա­տե­լով ներ­կա զար­գա­ցում­նե­րից, ա­ռա­ջա­նում է տպա­վո­րութ­յուն, որ նախ` ի­րա­նա­կան հա­կա­մար­տութ­յու­նը գո­նե ներ­կա փու­լում հա­սել է հան­գու­ցա­լուծ­ման: Եվ այդ ֆո­նին, Թ­րամփն ար­դեն նաեւ պաշ­տո­նա­պես է խո­սում ուկ­րաի­նա­կան ուղղութ­յան մա­սին:

ԻՐԱՆԱԿԱՆ ՀԱՐՑԸ ԹՐԱՄՓԻ ՀԱՄԱՐ ՓԱԿՎԵՑ

Ի­րա­նի հետ կապ­ված` թեեւ Իս­րա­յե­լը շա­րու­նա­կում է հայ­տա­րա­րել, թե ին­քը Ի­րան–ԱՄՆ պայ­մա­նա­վոր­վա­ծութ­յուն­նե­րին կողմ չէ եւ պար­տա­վոր չէ են­թարկ­վել դրանց, այդ թվում` Լի­բա­նա­նում պա­տե­րազ­մի հար­ցով, սա­կայն նաեւ կա­րե­լի է հաս­կա­նալ, որ Վա­շինգ­տո­նից ե­կող ակ­նարկ­նե­րը, թե այդ դեպ­քում Նե­թան­յա­հուն կա­րող է մե­նակ մնա, չեն կա­րող ի­րենց դե­րը չու­նե­նալ: Ընդ ո­րում, փոր­ձա­գի­տա­կան շրջա­նակ­նե­րում շատ պարզ են տես­նում, որ Լի­բա­նա­նի դեմ պա­տե­րազ­մը Նե­թան­յա­հու­ի հա­մար ծանր բեռ էր դար­ձել ան­գամ ԱՄՆ­–ի օգ­նութ­յան պա­րա­գա­յում: «Հեզ­բոլ­լա­հը» ան­ցել է դրո­նա­յին պա­տե­րազ­մի ռազ­մա­վա­րութ­յա­նը: Դ­րա արդ­յուն­քում հիմ­նա­կան շեշ­տը օ­դա­յին հար­ված­նե­րի եւ հա­ջոր­դող ցա­մա­քա­յին ներ­խուժ­ման եւ զրա­հա­տեխ­նի­կա­յի շա­րաս­յու­նե­րի վրա դնող իս­րա­յել­յան բա­նա­կը Հա­րա­վա­յին Լի­բա­նա­նում հսկա­յա­կան կո­րուստ­ներ է կրում: Ընդ ո­րում, Գա­զա­յի օ­րի­նա­կով հա­մոզ­վե­ցին, որ միայն օ­դա­յին հար­ված­նե­րով պա­տե­րազմ չեն շա­հում, եւ ե­թե Լի­բա­նա­նում մնան միայն դրա հույ­սին, էլ ա­վե­լի վատ վի­ճակ կլի­նի:

­Կարճ ա­սած, ակն­հայ­տո­րեն Իս­րա­յե­լի հա­մար եւս պա­տե­րազմն այս պա­հին կանգ­նեց­նե­լը, ժա­մա­նա­կի հրա­մա­յա­կան­նե­րին բա­նա­կը հար­մա­րեց­նե­լը եւ մի­գու­ցե հե­տա­գա­յում նոր պա­տե­րազ­մի գնա­լը տրա­մա­բա­նա­կան ելք է: Այդ­պե՞ս է նաեւ Նե­թան­յա­հու­ի հա­մար, դժվար է ա­սել: Բայց կան մեծ կո­րուստ­ներ, ո­րի հա­մար պետք է պա­տաս­խան տալ: Ու հի­մա պա­տաս­խա­նատ­վութ­յու­նը Թ­րամ­փի վրա թող­նե­լը, թե մենք ու­զում էինք կռվել, նա չթո­ղեց, կա­րող է հար­մար ելք լի­նել: Ընդ ո­րում, նման քա­րոզ­չութ­յուն Նե­թան­յա­հու­ի եւ նրա թի­մի կող­մից ար­դեն նկատ­վում է:

Ինչ վե­րա­բե­րում է ԱՄՆ­–ին եւ Ի­րա­նին, ա­պա նրանք ի­րենց բո­լոր գոր­ծո­ղութ­յուն­նե­րով ցույց են տա­լիս, որ պատ­րաստ­վում են հաշ­տութ­յան պայ­մա­նագ­րի: ԱՄՆ–ն հաշ­ված ժա­մե­րի ըն­թաց­քում հայ­տա­րա­րեց բլո­կա­դան դա­դա­րեց­նե­լու մա­սին, Ի­րա­նը բաց հայ­տա­րա­րեց Հոր­մու­զի նե­ղու­ցը պայ­մա­նա­վոր­ված այն տար­բե­րա­կով, որն ու­նեն: Ե­րեկ Ի­րա­նը ստա­ցավ 3 մի­լիարդ դո­լար եւ այլն:

­Մի խոս­քով, այս պա­հին այն հիմ­նա­կան տրա­մա­բա­նութ­յունն է, որ ԱՄՆ–Ի­րան գոր­ծար­քը նույն դի­նա­մի­կա­յով շա­րու­նակ­վե­լու է, եւ ար­դեն ուր­բաթ օ­րը կլի­նի պաշ­տո­նա­պես ստո­րագր­ված հա­մա­ձայ­նա­գիր: Այն է, Թ­րամ­փը կա­րող է իր հա­մար ի­րա­նա­կան ուղ­ղութ­յու­նը հա­մա­րել երկ­րոր­դա­կան, որ­տեղ հի­մա պետք է աշ­խա­տեն փոր­ձա­գետ­նե­րը: Արդ­յուն­քում, ի­հար­կե պա­տա­հա­կան չէր, որ նա­խօ­րեին ԱՄՆ նա­խա­գահն ար­դեն պաշ­տո­նա­պես սկսեց խո­սել ուկ­րաի­նա­կան ուղ­ղութ­յա­նը վե­րա­դառ­նա­լու մա­սին:

ՈՒԿՐԱԻՆԱԿԱՆ ՈՒՂՂՈՒԹՅՈՒՆԸ

Այս­պի­սով, ի՞նչ հե­ռան­կար­ներ են ա­ռա­ջա­նում ուկ­րաի­նա­կան ուղ­ղութ­յամբ, ե­թե ԱՄՆ–ն վե­րա­դառ­նում է այդ գոր­ծըն­թաց: Եվ­րո­պան ծրագ­րել էր Ֆ­րան­սիա­յում ըն­թա­ցող G–7 գա­գա­թա­ժո­ղո­վում ազ­դել Թ­րամ­փի տրա­մադ­րութ­յու­ննե­րի վրա: Բայց թեեւ ԱՄՆ նա­խա­գա­հը ռե­կոր­դա­յին ժա­մա­նա­կով` 13 վայրկ­յա­նով սեղ­մեց Բ­րի­ջիտ Մակ­րո­նի ձեռ­քը, մեկ է, դա հա­զիվ թե բան փո­խի: Ա­վե­լի ճիշտ, դա եւս ակ­նար­կի տեսք ու­ներ. Թ­րամ­փը, որ­պես կա­նոն, կա­նանց ձեռ­քը մեկ­–եր­կու վայրկ­յան է սեղ­մում: Ի տար­բե­րութ­յուն տղա­մարդ­կանց, ո­րոնց հետ եր­կա­րա­տեւ ձեռք­սեղ­մու­մը Թ­րամ­փի մոտ ո­ւժի ցու­ցադր­ման նշան է դար­ձել: Ու երբ Բ­րի­ջի­տի հետ նա ու­նե­ցավ «տղա­մար­դա­վա­յել» ձեռք­սեղ­մում, ե­րե­ւի Մակ­րո­նը հաս­կա­ցավ, թե ի­րեն ինչ են ակ­նար­կում: Հա­մե­նայն­դեպս, դա տան­տի­րոջ հան­դեպ բա­րե­հա­ճութ­յան նշան չէր:

­Բա­ցի այդ, Թ­րամ­փը գա­գա­թա­ժո­ղո­վին ներ­կա­յա­ցավ ու­ժե­ղի դիր­քե­րից. «հաղ­թել» է Ի­րա­նին, Եվ­րո­պա­յին էլ «փրկել» է է­ներ­գե­տիկ կո­լապ­սից` «բա­ցե­լով» Հոր­մու­զի նե­ղու­ցը: Ընդ ո­րում, հասց­րեց հնչեց­նել մի շարք նա­խա­տինք­ներ եվ­րո­պա–ՆԱՏՕ­–ա­կան­նե­րի հաս­ցեին, թե` ինձ այդ­պես էլ մե­նակ թո­ղե­ցիք, բայց ա­ռանց ձեզ էլ Ի­րա­նում լու­ծում­ներ կա­րո­ղա­ցա գտնել: Ընդ ո­րում, խո­սե­լով այդ լու­ծում­նե­րից ա­ռաջ Պու­տի­նի հետ ու­նե­ցած «շատ լավ» հե­ռա­խո­սազ­րույ­ցի մա­սին, Թ­րամ­փը, նման է, որ շատ խոր­քա­յին մե­սիջ հղեց եվ­րո­պա­ցի դաշ­նա­կից­նե­րին, թե` ով ի­րեն օգ­նեց Ի­րա­նում լու­ծում­նե­րի հար­ցում:

Արդ­յուն­քում, ա­րեւմտ­յան լրատ­վա­մի­ջոց­նե­րը հնչեց­նում են տագ­նա­պի նշան­ներ` Թ­րամ­փը վե­րա­դառ­նում է Ուկ­րաի­նա: Politico–ի մոտ դա նման տեսք ու­նի. «Ի­րա­նա­կան ճգնա­ժա­մը երկ­րորդ պլան մղե­լուց հե­տո Դո­նալդ Թ­րամ­փը ու­շադ­րութ­յու­նը սևե­ռում է Ուկ­րաի­նա­յի վրա։ Եվ­րո­պա­ցի դաշ­նա­կից­նե­րը, ո­րոնք սո­վոր են ի­րենց պայ­ման­նե­րը թե­լադ­րել, վա­խե­նում են, որ պար­զա­պես կմնան մի կողմ։ Փա­րիզն ու Բր­յու­սե­լը չեն թաքց­նում այն ​​փաս­տը, որ Թ­րամ­փի հա­մար ա­վե­լի լավ կլի­ներ կենտ­րո­նա­ցած մնալ Ի­րա­նի վրա»: Աե­լին, աղբ­յու­րը նաեւ ակ­նար­կում է, որ Պու­տի­նի մա­սին մե­սի­ջը եւս եվ­րո­պա­ցի­նե­րը ճիշտ են ըմբռ­նել. «Թ­րամփն ար­դեն ա­ռան­ձին զան­գեր է ու­նե­ցել Վ­լա­դի­միր Պու­տի­նի և Զե­լենս­կու հետ։ Փա­րի­զը սա ըն­դու­նել է որ­պես մտա­հո­գիչ նշան»:

Մ­յուս կող­մից` Մոսկ­վան վե­րա­պա­հում­նե­րով է մո­տե­նում Թ­րամ­փի այս վե­րա­դար­ձին: Այս­պես, Յու­րի Ու­շա­կովն եւս հաս­տա­տել է, որ Թ­րամ­փի հա­տուկ դես­պա­նորդ­ներ Ո­ւիտ­կո­ֆը և Քուշ­նե­րը ա­մե­նա­մոտ ժա­մա­նակ­ներս կայ­ցե­լեն Մոսկ­վա: Սա­կայն Լավ­րո­վի մոտ կա մո­տա­վո­րա­պես նման մռայլ միտք` թող գան, տես­նենք, թե այս ան­գամ ռեալ հար­ցե՞ր են լու­ծե­լու, թե՞ է­լի միայն խոս­տում­ներ են տա­լու:

Ա­մեն դեպ­քում փաս­տը, որ Թ­րամ­փի բա­նագ­նաց­նե­րը չեն փոխ­վել, ար­դեն իսկ հու­շում է, որ ԱՄՆ–ն շա­րու­նա­կե­լու է բա­նակ­ցա­յին կուրսն այն կե­տից եւ ուղղ­վա­ծութ­յամբ, որ­տեղ կանգ էր ա­ռել: Ուղ­ղութ­յու­նը, հի­շեց­նենք, Ալ­յաս­կա­յի պայ­մա­նա­վոր­վա­ծութ­յուն­նե­րի շրջա­նակ­նե­րում էր, իսկ կե­տը այն պահն էր, երբ Զե­լենս­կու վրա ճնշում­նե­րը հա­սել էին նրա «գորշ կար­դի­նալ» Եր­մա­կի կա­լա­նա­վոր­մա­նը: Ու հի­մա, ե­րեկ Թ­րամ­փի եւ Զե­լենս­կու ոչ ֆոր­մալ եւ ֆոր­մալ հան­դի­պում­նե­րից հե­տո ո­րոշ տեղ­յակ փոր­ձա­գի­տա­կան աղբ­յուր­ներ վստա­հեց­նում են, որ Վա­շինգ­տո­նը Կիե­ւին ներ­կա­յաց­նում է նույն պա­հանջ­նե­րը` ըն­դու­նել Ալ­յաս­կա­յի պայ­մա­նա­վոր­վա­ծութ­յուն­նե­րը, քա­նի դեռ ռազ­մա­ճա­կա­տա­յին ի­րա­վի­ճա­կը դեռ դա թույլ տա­լիս է: Այն է, հենց այս գա­գա­թա­ժո­ղո­վին նա­խոր­դող փու­լում ռու­սա­կան ու­ժերն ու­նե­ցան մի շարք ընդգծ­ված ձեռք­բե­րում­ներ: Սկ­սած Կիե­ւին հասց­վող բա­վա­կա­նին ցա­վոտ հար­ված­նե­րից, վեր­ջաց­րած ռազ­մա­ճա­կա­տով: Այդ թվում, նույ­նիսկ ուկ­րաի­նա­կան փոր­ձա­գի­տա­կան շրջա­նակ­ներն են հաս­տա­տում, որ ռու­սա­կան ու­ժե­րը մի շարք տե­սա­նե­լի ճեղ­քում­նե­րի արդ­յուն­քում դուրս են գա­լիս Դոն­բա­սում ուկ­րաի­նա­կան պաշտ­պա­նութ­յան վեր­ջին կա­րե­ւո­րա­գույն հատ­ված` Ս­լավ­յանսկ–Կ­րա­մա­տորսկ անգ­լո­մե­րա­ցիա: Այն գրա­վե­լու դեպ­քում, ո­րը կարող է տե­ղի ու­նե­նալ մին­չեւ ա­մառ­վա վերջ, Մոսկ­վան այ­լեւս չի ցան­կա­նա խո­սել Դոն­բա­սից ուկ­րաի­նա­կան զոր­քե­րը հա­նե­լու դի­մաց խա­ղա­ղութ­յուն կնքե­լու մա­սին, եւ պայ­ման­նե­րը կդառ­նան շատ ա­վե­լի կոշտ: Ընդ ո­րում, աղբ­յուր­նե­րը նաեւ նշում են, որ Թ­րամ­փը հա­կա­ռակ դեպ­քում, ե­թե Զե­լենս­կին այս ան­գամ էլ չըն­դու­նի ա­ռա­ջար­կը, մին­չեւ վերջ կմիաց­նի հայտ­նի կո­ռուպ­ցիոն սկան­դա­լի թե­ման, այս ան­գամ ա­ռա­ջին պլան քա­շե­լով նաեւ ան­ձամբ Զե­լենս­կուն:

ԱՄՆ–Ն ՇՏԱՊԵԼՈՒ ԿԱՐԻՔ ՈՒՆԻ

­Մի խոս­քով, նման է, որ ԱՄՆ–ն ի­րոք շտա­պե­լու կա­րիք ար­դեն ու­նի, հաշ­վի առ­նե­լով, որ նույն ռազ­մա­ճա­կա­տա­յին ի­րո­ղութ­յուն­նե­րը սկսում են ազ­դել ար­դեն կա­յաց­ված քա­ղա­քա­կան պայ­մա­նա­վոր­վա­ծութ­յուն­նե­րի վրա: Իսկ այդ դեպ­քում, բա­ցի այն, որ Զե­լենս­կուն նոր պայ­ման­ներ կա­ռա­ջադր­վի, նման պայ­ման­ներ կներ­կա­յաց­վեն նա­եւ Թ­րամ­փին: Հաշ­վի առ­նե­լով նաեւ այն դիր­քա­յին զի­ջում­նե­րը, ո­րոնք նա ու­նե­ցավ ուկ­րաի­նա­կան ուղ­ղութ­յամբ:

Ա­մեն դեպ­քում, Մոսկ­վան շա­րու­նա­կում է ցու­ցադ­րել, որ բա­նակ­ցա­յին ուղ­ղութ­յամբ նախ­կին հրա­պուր­վա­ծութ­յունն այս պա­հին չու­նի, բայց պատ­րաստ է խո­սել ԱՄՆ­–ի հետ, ե­թե միայն գործ­նա­կան խո­սակ­ցութ­յուն լի­նի: Ա­մեն դեպ­քում, այդ տպա­վո­րութ­յունն է ա­ռա­ջա­նում Պես­կո­վի հայ­տա­րա­րութ­յու­նից, ով իր հեր­թին հաս­տա­տեց, որ սպա­սում են Ո­ւիտ­կոֆ–­Քուշ­նե­րի այ­ցին, բայց դեռ ո­րե­ւէ կոնկ­րե­տա­ցում, այդ թվում` այ­ցի ժամ­կետ­նե­րի մա­սով չկան: Ն­ման է սրան. մենք մեր գործն ենք ա­նում, ե­թե կոնկ­րետ ա­սե­լիք ու­նեն, խնդրեմ:

­Հան­րա­գու­մա­րում, այն տպա­վո­րութ­յունն է, որ ա­մեն ինչ մնա­ցել է կախ­ված հար­ցից, թե Թ­րամ­փը Զե­լենս­կու հետ ե­րեկ­վա շփում­նե­րում ինչ չա­փով է կա­րո­ղա­ցել նրան տե­ղա­փո­խել դրա­կան բա­նակ­ցութ­յուն­նե­րի դաշտ: Հաշ­վի առ­նե­լով, որ նախ` Ի­րա­նի օ­րի­նա­կով Զե­լենս­կին եւս հաս­կա­նում է, որ կա­րե­լի է «քյալ­լա տալ» Թ­րամ­փի հետ: Բա­ցի այդ, ա­մե­րիկ­յան պա­հանջ­նե­րի դաշտ անց­նե­լու դեպ­քում կզրկ­վի Եվ­րո­պա­յի խոս­տա­ցած փո­ղե­րից: Բայց մյուս կող­մից, Թ­րամ­փը դեռ ու­նի շատ լուրջ լծակ­ներ, սկսած կո­ռուպ­ցիոն թե­մա­յից, վեր­ջաց­րած ուկ­րաի­նա­կան բա­նա­կի ներ­կա­յիս կա­յու­նութ­յան հիմք դար­ձած Մաս­կի ին­տեր­նետն ան­ջա­տե­լու հնա­րա­վո­րութ­յամբ: Մի խոս­քով, ա­ռաջ չընկ­նենք, բայց շատ նման է, որ ուկ­րաի­նա­կան պա­տե­րազ­մը կա­րող է ա­ռա­ջի­կա­ մեկ­–եր­կու ա­միս­նե­րին հաս­նել հան­գու­ցա­լուծ­ման:

Տե´ս նաեւ https://t.me/iravunk/68592 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝