Ո՞վ եւ ի՞նչ պատրաստվածությամբ է հասնելու հիվանդի մոտ. ԶԱՐՄԱՆՔ
Զարմանք
Երեւանի քաղաքապետ ՏԻԳՐԱՆ ԱՎԻՆՅԱՆԸ մեծ ոգեւորությամբ ներկայացնում է շտապօգնության նոր մոպեդները՝ վստահեցնելով, որ դրանք թույլ կտան բուժանձնակազմին րոպեների ընթացքում հասնել քաղաքացու մոտ՝ նույնիսկ ամենածանրաբեռնված երթեւեկության պայմաններում։ «Շտապօգնության նոր մոպեդները՝ ավելի արագ արձագանքման համար»,- գրել է քաղաքապետը՝ հրապարակելով տեսանյութ։ Սակայն գեղեցիկ տեսանյութերից ու խոստումներից բացի, կա մի հարց, որը կարծես այդպես էլ մնում է օդում կախված. ո՞վ է նստելու այդ մոպեդների ղեկին եւ շտապելու քաղաքացիներին օգնության։ Գաղտնիք չէ, որ շտապօգնության համակարգում աշխատող բժիշկների զգալի մասը Երեւանի պետական բժշկական համալսարանի արդինատորներն են։ Հետեւաբար, տրամաբանական հարց է առաջանում՝ արդյոք բժշկական համալսարանում պատրաստվո՞ւմ են նոր առարկա ներդնել եւ ապագա բժիշկներին սովորեցնել ոչ միայն ախտորոշել ու բուժել, այլեւ մոպեդ վարել։ Թե՞ քաղաքապետարանը պատրաստվում է նոր կադրային լուծումներ գտնել, եւ շուտով Երեւանում առաքիչների փոխարեն հնդիկ երիտասարդներն են վերածվելու մոպեդ վարող շտապօգնության բժիշկների։ Ի վերջո, արագ հասնելը կարեւոր է, բայց ոչ պակաս կարեւոր է հասկանալ, թե ո՞վ եւ ի՞նչ պատրաստվածությամբ է հասնելու հիվանդի մոտ։
RT հեռուստաալիքի եւ «Россия сегодня» մեդիախմբի գլխավոր խմբագիր ՄԱՐԳԱՐԻՏԱ ՍԻՄՈՆՅԱՆԸ «Երեկոն Վլադիմիր Սոլովյովի հետ» կիրակնօրյա հաղորդման ժամանակ, անդրադառնալով Հայաստանին ու ՀՀ քաղաքացիներին, առաջարկով է հանդես եկել: «Առաջարկում եմ սոցիալական ցանցերով բացահայտել, հիմա դա շատ հեշտ է անել։ Ահա սահմանապահներն էլ դա անում են սահմանին՝ հեշտ ու հանգիստ թե՛ մեզ մոտ, թե՛ դեպի Վրաստան։ Փորձեք գնալ Վրաստան, եթե ձեր սոցիալական ցանցերում ինչ-որ բան կա Աբխազիայի մասին։ Ձեզ չեն թողնի մտնել չէ՞։ Հիմա պետք է սոցիալական ցանցերով բացահայտել այն հայերին, որոնք աջակցում են Փաշինյանին եւ վերջ՝ մուտքը Ռուսաստանի Դաշնություն արգելել ընդմիշտ։ Որովհետեւ եթե դուք աջակցում եք Փաշինյանին, նշանակում է՝ աջակցում եք ռուսատյացությանը։ Եթե աջակցում եք ռուսատյացությանը, նշանակում է՝ ատում եք Ռուսաստանը։ Նշանակում է՝ Ռուսաստանում անելիք չունեք», - կարճ ու կոնկրետ բանաձեւել է Սիմոնյանը։ Մի զարմացեք, եթե այսպես շարունակվի, սա էլ ենք տեսնելու: Այնպես որ, նիկոլականները թող «ջանները յուղեն»:
Վերջին օրերի ձերբակալությունների ու հարուցված քրեական գործերի շարքում, թերեւս ամենաաբսուրդայինը Հայաստանի Հանրապետական կուսակցության խորհրդի անդամ ՏԻԳՐԱՆ ՎԱՐԴԱՆՅԱՆԻՆՆ էր։ Նա թեպետ տեւական ժամանակ է, ինչ ապրում է Ռուսաստանի Դաշնությունում, բայց իր նկատմամբ խափանման միջոց է ընտրվել կալանքը, ինչի մասին քննչականը հայտարարել էր հենց նրա ծննդյան տարեդարձի օրը։ Ընդդիմադիր գործիչը Ֆեյսբուքում հանդես է գալիս կոշտ գրառումներով, դրանցից մեկն էլ վարույթն իրականացնող մարմինը համարել է իշխանությունը զավթելուն ուղղված կոչ եւ մեղադրյալ ներգրավել նրան։ Ըստ Վարդանյանի հրապարակած տեսաուղերձի` խոսքը, ամենայն հավանականությամբ, ո՛չ ավել, ո՛չ պակաս, մեծ գրող Ավետիք Իսահակյանի խոսքերը վերամշակված տարբերակով սոցցանցում հրապարակելուն է վերաբերում։ Այս պատմության մեջ ամենազարմանալին, թերեւս, այն է, որ քրեական գործի առանցքում կարող է հայտնվել ոչ թե գործողություն, այլ գրական մտքի ժամանակակից վերարտադրությունը։
ԶԱՐՄԱՑԱԾ Է «ԻՐԱՎՈՒՆՔ»-Ը
Նիկիտա Սիմոնյան. արժանապատվության հարյուր տարի
ՀՀ-ում ՌԴ դեսպանությունը շնորհավորել է Երեւանի տոնի կապակցությամբ
Կիևի քաղաքապետը բնակիչներին կոչ է արել ժամանակավորապես լքել քաղաքը
Քաղաքապետ Կլիչկոն կոչ արեց Կիևի բնակիչներին լքել քաղաքը՝ դա համարելով «Գոյատևման հարց
1
4076 դիտում
2
2256 դիտում
3
1955 դիտում
4
1935 դիտում
5
1543 դիտում
1
31460 դիտում
2
19495 դիտում
3
11458 դիտում
4
11407 դիտում
5
8350 դիտում
3
17742 դիտում
