Եթե Վեհափառը կալանավորվի, դրա գինը կվճարի ողջ հայ ժողովուրդը. Միքայել Սրբազան

Եթե Վեհափառը կալանավորվի, Աստված մի արասցե, ապա դրա գինը կվճարի ողջ հայ ժողովուրդը, այս մասին դատարանի բակում լրագրողների հետ ճեպազրույցում հայտարարեց Միքայել արքեպիսկոպոս Աջապահյանը՝ պատասխանելով Aysor.am-ի հարցին, թե հնարավոր համարո՞ւմ է, որ իշխանությունները կձերբակալեն Ամենայն Հայոց Կաթողիկոսին:

«Ամբողջ հայ ժողովուրդը կվճարի դրա գինը, ինչպես 38 թվականին վճարեց հայ ժողովուրդը՝ հարյուր հազարավոր զոհերով, այնպես էլ սա կլինի»,- տեսակետ հայտնեց Սրբազան հայրը:

Հարցին, թե արդյոք շարունակելո՞ւ է քննադատել իշխանություններին, Միքայել Սրբազանն արձագանքեց. «Չէ բա, պիտի գլուխները շոյեմ»:

Հիշեցնենք՝ Վերաքննիչ Քրեական Դատարանը հրապարակեց Միքայել սրբազանի դատավճիռը․ դատարանը վերացրեց Շիրակի թեմի առաջնորդի խափանման միջոց տնային կալանքը: Դատարանը նաև բեկանեց Աջապահյանի գործով առաջին ատյանի դատարանի որոշումն ու այն ուղարկեց հետ՝ նոր քննության։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝