ՇՏԱՊ. Ծառուկյանի ընտանիքին պատկանող բազմաթիվ կենդանիներ սովի են մատնվել իրավապահների գործողությունների հետևանքով

Ըստ կենդանաբանների ձիերը մեկ օրից ավել սովին ու անջրդի չեն դիմանում, սկսում են հյուծվել։ Ծառուկյանի ձիերը մեկ օրից ավել ջուր անգամ չեն խմել։ Կոկորդիլոսները կերակրվում են շաբաթը մեկ, սակայն նրանց կերակրման օրը վաղուց լռացել է և նրանք 10 օրից ավել է սոված են։ Նույն ահավոր վիճակում են հայտնվել թռչուններն ու այլ կենդանատեսակները, որոնց շաբաթ օրվանից խնամակալները չեն կարողացել անգամ մի ցորեն տալ։

 

Տարածք մուտք գործել թույլ չեն տվել նաև ձիասպորտի վարպետին իր սաների հետ։ Այս կադրերում նա վնասված ոտքով ժամեր շարունակ սպասում է Քննչական կոմիտեից թույլտվություն։ Կենդանիների նկատմամբ փաստացի դաժան վերաբերմունք է ցուցաբերվում, նրանց ջրազրկման ու սովի են մատնել։ Այս կենդանիները քաղաքականության հաշվեհարդարի զոհ չպետք է դառնային, բայց դարձան։ Իսկ մեր պետական մարմինները տարան հենց դրան։

Պետական պաշտոնյաներից ամեն ոք այս հարցում պետք է գործեր ի շահ կենդանիների, ոչ թե իր սեփական աթոռը կորցնելու վախով։

 

Եվ պետք է բացառել այս կենդանիների տեղափոխումն այլ տեղ քանի որ Հայաստանում չկա նրանց համար էլ ավելի հարմարավետ պայնաններ, քան Ծառուկյանենց ընտանիքինը։ Լուսանկարների հետ դնում եմ նաև Երևանի կենդանաբանական այգի տեղափոխված առյուծների ու վագրերի կադրերը։ Ֆոտոյով ֆիքսել եմ դրվագներ, որոնք ապացուցում են, որ նախ՝

 

1. Կենդանաբանական այգու աշխատակիցները հատուկ տեսակի Citesյան կատվազգիներին ինչպես են կոպիտ խախտումներով քնացրել ու տեղափոխելուց նույնիսկ շնչառական խողովակ չեն տեղադրել։ Էլ չեմ ասում, թե կենդանու գլխի ու վզի հատվածը ինչ վայրենավարի են տանում, որի հետևանքում սատկել է սպիտակ առյուծներից մեկը։ Դեռ պարզ չի մյուսներն ինչպե՞ս են։

 

Բացի դա, ըստ Կենդանաբանական այգու հաղորդագրության սատկած կենդանին ծեր էր և ճարպակալած։ Այնինչ այդ առյուծը, ըստ մասնագետների ընդամենը 12 տարեկան էր և կարող էր հղի լինել։ Դա դեռ պետք է ճշտվի, եթե կենդանու դին տան տերերին։ Եվ հետո սկզբում տարածեցին ինֆորմացիա, թե որձն է անկել, հետո` թե էգը։ Որտե՞ղ գտնենք ճիշտը։

 

2. Կենդանաբանական այգու գիտական գծով փոխտնօրեն Աշոտ Ասլանյանը Ազատության լրագրողին ասել է, թե Ծառուկյանի առյուծները բետոնին էին պահվում։ Տեղադրում եմ նաև առյուծների ազատավանդակի տեսանյութը, որից պարզ է դառնում, որ Աշոտ Ասլանյանը սխալվում է, առյուծները հողի, ավազի վրա էին ապրում, մինչև Կենդանաբանական այգու աշխատակիցների ոչ համաչափ գործողությունների հետևանքում առյուծը սատկեց», - գրել է «Էկո-մեդիա» լրագրողական ցանցի համահիմնադիր, լրագրող ՆԱՐԻՆԵ ԿԻՐԱԿՈՍՅԱՆԸ: