ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

Հայաստանը ժամանակավոր արգելք է սահմանել տոմատի մածուկի ներմուծման վրա

Տնտեսություն

Հայաստանը տոմատի մածուկի ներմուծման ժամանակավոր արգելք է սահմանել։ Համապատասխան որոշումն ընդունվել է Կառավարության հուլիսի 30-ի նիստում։

 

Սահմանափակումը գործելու է վեց ամիս ժամկետով։ Արգելքը տարածվում է նաև Եվրասիական տնտեսական միության (ԵԱՏՄ) երկրներից նշված ապրանքատեսակի վրա։

 

Նշվում է, որ որոշումը պայմանավորված է լոլիկի մածուկ ներմուծող տնտեսվարողների և տեղական հումքով լոլիկի մածուկ արտադրողների համար հավասար մրցակցային պայմաններ ապահովելու, ինչպես նաև լոլիկի մթերման գործընթացը կարգավորելու անհրաժեշտությամբ։

 

Նշվում է, որ հայկական ծագման կարանտինային ապրանքների արտահանման և տարանցման վրա դրված սահմանափակումների պատճառով մրգերի ու բանջարեղենի, այդ թվում՝ ջերմոցային լոլիկի արտահանման ծավալները կրճատվել են։ Արդյունքում՝ արտահանվող ջերմոցային լոլիկի զգալի մասն այժմ իրացվում է ներքին շուկայում, ինչն էլ հանգեցնում է բաց դաշտում աճեցված լոլիկի պահանջարկի նվազմանը։

 

Ակնկալվում է, որ որոշման ընդունման արդյունքում տեղական արտադրության լոլիկի մածուկի վաճառքի ծավալները կավելանան, լոլիկի պահանջարկը կբարձրանա, ինչի շնորհիվ էլ կապահովվի աճեցված բերքի մթերումը։

Հավանեցի՞ր հոդվածը, կիսվիր ընկերներիդ հետ