ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

Կառավարությունը 450 մլն դրամի աջակցություն կտրամադրի ձկնաբուծարաններին

Հասարակություն

Կառավարությունը 450 միլիոն դրամով կաջակցի ձկնաբուծությանը: Կառավարության այսօր տեղի ունեցած նիստի ընթացքում հաստատվեց, որ ավելացված արժեքի հարկ վճարող Արմավիրի և Արարատի մարզի արդյունագործական ձկնաբուծական 135 տնտեսություն կստանա պետական աջակցություն։ Կառավարությունը կսուբսիդավորի  ձկան կերի արժեքի 20 %-ը։ 

Աջակցությունից կարող են օգտվել այն տնտեսությունները, որոնք օգտագործում են ԵՄ և ԵԱՏՄ ստանդարտներին համապատասխան սերտիֆիկացված կեր։

Ծրագրի շրջանակում աջակցությունը նախատեսվում է տրամադրել ՀՀ Արարատի և Արմավիրի մարզերում գործող արդյունագործական ձկնաբուծական տնտեսություններին։

Էկոնոմիկայի նախարարության առաջարկած նխագծում նշվում է, որ 1 կգ ձկան արտադրության համար ծախսվում է միջին հաշվով 1,25 կգ կեր, ուստի 24,0 հազար տոննա ձկան արտադրության համար հանրապետությունում տարեկան օգտագործվում է շուրջ 30 հազար տոննա ձկան կեր։

Ըստ էկոնոմիկայի նախարարության իրականացրած ուսումնասիրությունների՝ հանրապետությունում 1 կգ ձկան կերի միջին արժեքը կազմում է շուրջ 900 ՀՀ դրամ։ Արդյունքում` տարեկան կերի ձեռքբերման արժեքը կազմում է շուրջ 27,0 մլրդ դրամ, որից ամսական՝ շուրջ 2,25 մլրդ դրամ։ Քանի որ ծրագրով նախատեսվում է փոխհատուցել 2026 թվականի առաջին կիսամյակի միջին ամսական ծավալով ձեռք բերված ձկան կերի փաստացի արժեքի 20 տոկոսը, ապա մեկ ամսվա պետական աջակցության անհրաժեշտ ֆինանսական միջոցները կկազմեն շուրջ 450 մլն դրամ։

Որոշման ընդունման արդյունքում կմեղմվեն ձկան արտադրության ծավալների նվազման միտումները, կպահպանվեն արտադրական ծավալները, կպահպանվեն ձեռնարկությունների աշխատատեղերը, որը կնպաստի արդյունագործական ձկնաբուծարանների բնականոն գործունեության պահպանմանը, ձկնաբուծության ոլորտի կայուն զարգացմանը և արտահանման ծավալների պահպանմանը։

Հիշեցնենք, որ Ռուսաստանը դադարեցրել է նաև Հայաստանից ձկնամթերքի ներմուծումը: Կառավարության` հուլիսի 16–ի նիստում ՀՀ էկոնոմիկայի նախարար Գևորգ Պապոյանը հայտարարել էր, որ ՀՀ-ն Եվրոպական հանձնաժողովից պաշտոնապես թույլտվություն է ստացել հայկական արտադրության ձուկ–ձկնամթերք արտահանելու վերաբերյալ, ՀՀ-ին է փոխանցվել ընթացակարգերի ու պահանջների փաթեթը։ Պապոյանի խոսքով` ԵՄ երկրներ ձուկ-ձկնամթերք արտահանելու հետաքրքրություն է ցուցաբերել հայկական 5 ընկերություն։ Ձկնաբույծները, սակայն, օրեր առաջ Կառավարության շենքի առջև բողոքի ակցիա են իրականացրել՝ պնդելով, որ իրենք ֆինանսական վնասներ են կրում և չեն կարողանում Եվրոպա ձուկ արտահանել:

Հավանեցի՞ր հոդվածը, կիսվիր ընկերներիդ հետ