ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում Մարկո Ռուբիոն է հազիվ ծիծաղը զսպում Թրամփի հերթական զառանցանքից Ուկրաինական ռազմական աղբյուրներ. Ռուսաստանը սկսել է օգտագործել նոր եւ վտանգավոր «Ֆիլին» հրթիռները Զապորոժիեն մեկ ժամվա ընթացքում հարվածել է 20 ավիառումբ Թրամփ եւս Պուտինի և Սիի հետ գագաթնաժողովը համարում է «Յալթա 2»

ԵԱՏՄ-ից դուրս գալու հարցով հանրաքվե չի կարող լինել. Խանդանյանը՝ Գալուզինի հայտարարության մասին

Տնտեսություն

Առաջիկա ամիսներին Հայաստանում չի կարող անցկացվել հանրաքվե մի հարցի շուրջ, որը երկրում չի քննարկվել։ Այս մասին օգոստոսի 11-ին խորհրդարանում լրագրողների հետ զրույցում հայտարարեց իշխող «Քաղաքացիական պայմանագիր» խմբակցության պատգամավոր Սարգիս Խանդանյանը՝ մեկնաբանելով ԵԱՏՄ-ից դուրս գալու հնարավոր հանրաքվեի մասին խոսակցությունները։

 

Պատգամավորը ընդգծեց, որ Հայաստանը ԵԱՏՄ–ի լիիրավ անդամ է, և մոտ ժամանակում նրա կարգավիճակը չի փոխվի. «Հայաստանը ԵԱՏՄ-ի լիիրավ անդամ է, և առաջիկա ամիսներին մեր մասնակցությունը կշարունակվի թե՛ քաղաքական հարթությունում, թե՛ ֆինանսական միջոցների ծավալի առումով։ Հայաստանի անդամակցությունը բխում է ինչպես մեր երկրի, այնպես էլ ԵԱՏՄ մյուս անդամ պետությունների շահերից»։

 

Միևնույն ժամանակ Խանդանյանը պարզաբանել է, որ Եվրամիության հետ մերձեցման գործընթացը ներքին բնույթ է կրում։ «Մեզ համար ԵՄ-ի հետ ինտեգրման գործընթացը ներքին բարեփոխումների գործընթաց է։ Կներկայացնե՞նք արդյոք ԵՄ անդամակցության հայտ, թե՞ ոչ, մենք հասկանում ենք, որ այս գործընթացը հնարավորություն է տալիս մեր տնտեսավարող սուբյեկտներին իրենց չափանիշները համապատասխանեցնել եվրոպական շուկաներին»,- պարզաբանել է նա։

 

Անդրադառնալով ՀԱՊԿ-ի թեմային՝ պատգամավորը նշել է, որ չի տեսնում ակտիվ աշխատանքի վերադառնալու հիմքեր. «Չեմ կարծում, որ կա պատճառ կամ հանգամանք, որը կարող է մեզ ստիպել ակտիվացնել մեր մասնակցությունը ՀԱՊԿ-ում։ Դուք գիտեք, թե ինչ խնդիրների պատճառով Հայաստանը սառեցրել է անդամակցությունը, և այդ խնդիրները մինչ օրս պահպանվում են»։

 

Խոսելով Վերին Լարսում ապրանքների արտահանման հետ կապված խնդիրների մասին՝ Սարգիս Խանդանյանը հույս է հայտնել, որ դրանք քաղաքական բնույթ չեն կրում, և հավաստիացրել է, որ Կառավարությունը գործընկերների հետ աշխատում է բիզնեսի կորուստները նվազեցնելու ուղղությամբ։ Անդրադառնալով TRIPP նախագծին և Իրանի հետ հարաբերություններին՝ իշխող կուսակցության պատգամավորը ընդգծել է, որ ծրագիրն անցնում է գործնական փուլ, իսկ իրանական կողմի հետ կա լիակատար փոխըմբռնում։

Հավանեցի՞ր հոդվածը, կիսվիր ընկերներիդ հետ