ԱՄՆ-ն խոստովանել է, որ Եմենում հուսիթների դեմ անհաջող արշավի ընթացքում սպանել է 153 խաղաղ բնակչի

ԱՄՆ-ն խոստովանել է, որ Եմենում հուսիթների դեմ անհաջող արշավի ընթացքում սպանել է 153 խաղաղ բնակչի:

Պենտագոնի զեկույցի համաձայն՝ Եմենում հուսիթների (Անսար Ալլահ) դեմ ԱՄՆ-ի կողմից անցյալ տարի կատարված հարվածների հետևանքով զոհվել է 153 և վիրավորվել ևս 243 խաղաղ բնակիչ։

12 էջանոց զեկույցը, որը օգոստոսի 10-ին ուղարկվել է Սենատի զինված ուժերի կոմիտե՝ համաձայն 2018 թվականի քաղաքացիական անձանց շրջանում տարեկան զոհերի մասին հայտարարագրեր ներկայացնելու պահանջող օրենքի, մանրամասն նկարագրել է անցյալ տարվա ապրիլին Եմենում տեղի ունեցած երեք միջադեպերը։

Զեկույցում ասվում է, որ ապրիլի 6-ին մայրաքաղաք Սանայում տեղի ունեցած հարվածի հետևանքով զոհվել է հինգ խաղաղ բնակիչ, իսկ ապրիլի 17-ին Հոդեյդա նահանգի արևմտյան Ռաս Իսա նավահանգստի վրա կատարված հարվածի հետևանքով զոհվել է 80 մարդ։

Նավահանգստի վրա կատարված հարվածի հետևանքով երկինք են բարձրացել հսկայական կրակե գնդեր և նավահանգստում այրվել են ցիստեռններ։ Հետագայում հուսիթները իրենց «Ալ-Մասիրա» լրատվական ալիքով հեռարձակել են հետևանքների կադրեր, որոնցում երևում են տարածքում ցրված մարմինները։ ԱՄՆ Կենտրոնական հրամանատարությունը (CENTCOM) այն ժամանակ հայտարարել էր, որ հարձակման նպատակն էր խզել հուսիների վառելիքի և եկամտի աղբյուրը։

Տե´ս նաեւ https://t.me/iravunk/70809 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝