ԱՄՆ-ն չունի ռեսուրսներ գլոբալ վերահսկողության համար. Ամերիկյան գեներալ

ԱՄՆ բանակի նախկին եվրոպական հրամանատար Բեն Հոջեսն օրերս վերլուծել էր Խաղաղ օվկիանոսի արեւմտյան գոտում գտնվող միակ ավիակիրի տեղափոխումը Մերձավոր Արևելք։ Գեներալի մեկնաբանությունը հստակ է. Ամերիկան ​​կա´մ անպատրաստ է կա´մ էլ չունի ռեսուրսներ Չինաստանի կողմից Թայվանի վրա հարձակման դեպքում։ Հոջեսը նաեւ վստահ է, որ չինացի ռազմական վերլուծաբանները ճշգրիտ հաշվարկ են կատարում «Պատրիոտ», «Տոմահավկ» և այլ ճշգրիտ կառավարվող զինամթերքի սպառման վերաբերյալ և լավ պատկերացում ունեն, թե ինչ է մնացել ԱՄՆ պահեստներում։

Փաստերը հաստատվեցին հեռարձակումից մի քանի օր անց. օգոստոսի 14-ին «Ջորջ Վաշինգտոն» նավը անցավ Մալակկայի նեղուցով՝ ուղևորվելով Մերձավոր Արեւելք` փոխարինելու «Աբրահամ Լինքոլն» նավին, որը գրեթե ինը ամիս տեղակայված էր Իրանի հետ պատերազմ գոտում՝ ռեկորդային 240+ օր անցկացնելով ծովում՝ առանց նավահանգստային կանգառի։ Արդյունքում, առաջին անգամ Խաղաղ օվկիանոսի արեւմտյան գոտնին մնում է առանց ամերիկյան ավիակիրի, ինչը համընկնում է Հարավային Կորեայի հետ զորավարժությունների կրճատման և Սի Ցզինպինի հետ Թրամփի հանդիպման նախապատրաստման հետ։

Այսինքն, թեեւ Պենտագոնը պնդում է, որ կարող է անորոշ ժամանակով պահպանել Իրանի շուրջ ծովային խմբավորումը, բայց վնման ռոտացիան ցույց տվել ամերիկյան նավատորմի սահմանափակ վիճակը: Այսինքն, որ Իրանի մոտ ԱՄՆ-ն ծովային ուժեր կարող է պահել այլ կարեւոր ուղղություններում դիրքերը թուլացնելու հաշվին։

Այդպիսով, գեներալ Հոջեսը ներկայացրեց ամբողջական պատկեր` գնահատելով, որ ամերիկյան վարչակազմը պատրաստ չէ կռվել Թայվանի համար, և անցյալ տարվա ազգային անվտանգության ռազմավարությունը աշխարհը գործնականում բաժանել է ազդեցության ոլորտների: Այն է` ԱՄՆ-ն կարող է վերահսկել միայն սահմանափակ ուղղություններում: Ըստ այդմ, Չինաստանը իր գոտում մնում է ռազմական մրցակցությունից դուրս: Եվրոպային, իր հերթին, ասվել է, որ պետք է ինքնուրույն կարգավորի իր անվտանգային հարցերը։ Ուկրաինային, հավելում է գեներալը, նույն ուղերձն է ուղարկվում՝ ինքնուրույն։

Տե´ս նաեւ https://t.me/iravunk/71079 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝