Հայաստանում 90-ականների շունչ էր. Haddaway-ը, Mr. President-ը, Dr. Alban-ը և Boney M.-ը մեկ բեմում

Haddaway-ը, Mr. President-ը, Dr. Alban-ը և Boney M.-ը Հայաստանում

Սեպտեմբերի 20-ը իրական հրաշք էր հայ հանդիսատեսի, հատկապես 90-ականների սերնդի համար, քանի որ Հայաստան էին ժամանել համաշխարհային աստղեր՝ Haddaway-ին, Mr. President-ին, Dr. Alban-ին և Boney M.-ին։

Փառատոնի գաղափարը հանդիսատեսին ոչ միայն հայտնի արտիստների ելույթները մեկ բեմում ներկայացնելն էր, այլև մեկ օրով 90-ականների ամբողջական մթնոլորտ ստեղծելը՝ երաժշտության, ձևավորման և ժամանցային ծրագրի միջոցով։

Հարկ է նշել, որ այս փառատոնը բացառիկ էր նաեւ նրանով, որ միջազգային արտիստներից որևէ մեկը նախկինում ելույթ չէր ունեցել Հայաստանում, իսկ Boney M.-ը ներկայացված կազմով ևս առաջին անգամ հանդիպեց հայաստանյան հանդիսատեսին։

Երշտական երեկոյի բացումը կատարեցին 90-ականների սիրված հայ արտիստները, իրենց հայտնի կատարումներով: Հնդիսատեսը եւս մեկ առիթ ունեցավ լսելու Գրիշա Աղախանյանին, Լիլիթ Կարապետյանին, Արման Բարդումյանին, ինչպես նաև Սիմոնեին և դիջեյների։ Երեկոյի ընթացքում հնչեցին միջազգային և հայկական հայտնի ռետրո հիթեր։

Unity Production-ի համահիմնադիր և պրոդյուսեր Ալեքսանդր Մհերյանի խոսքով՝ մի քանի միջազգային արտիստների մեկ բեմում համախմբելը երկարատև և բարդ կազմակերպչական գործընթաց էր։

«Մեզ համար կարևոր էր կազմակերպել ոչ թե պարզապես համերգ, այլ ամբողջական փառատոնային օր, որի ընթացքում մարդիկ կկարողանային վերադառնալ իրենց սիրելի երաժշտությանը և 90-ականների մթնոլորտին։ Չորս միջազգային արտիստների միաժամանակ Հայաստան հրավիրելը մեծ աշխատանք պահանջեց, բայց հանդիսատեսի արձագանքը ցույց տվեց, որ ռետրո երաժշտության նկատմամբ հետաքրքրությունը Հայաստանում իսկապես մեծ է։ Retro Stars-ը շարունակական նախագիծ դարձնելու և հաջորդ միջոցառումները կազմակերպելու ուղղությամբ արդեն աշխատում ենք»,- նշեց Ալեքսանդր Մհերյանը։

ՆԱՆԱ ՍԱՐԳՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝