Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Ով է Արթուր Օհանյանը, ում առավոտյան ձերբակալել է Հակակոռուպցիոն կոմիտեն

Այսօր առավոտյան Հակակոռուպցիոն կոմիտեն «Հայաստան» դաշինքի Վանաձորի ներկայացուցիչ, պատգամավորի թեկնածու Արթուր Օհանյանը ձերբակալվել է։

Արթուր Օհանյանը Վանաձորի քաղաքական դաշտում նոր դեմք չէ։ Նա տարիներ շարունակ ակտիվ գործունեություն է ծավալել համայնքային քաղաքականության մեջ և կապվել է նախկին քաղաքապետ Մամիկոն Ասլանյանի թիմի հետ։

Վանաձորի քաղաքական կյանքում Ասլանյանի թիմի ներկայացուցիչների նկատմամբ իրավական գործընթացները տարիներ շարունակ եղել են իրավապահների ուշադրության կենտրոնում։

2021-ից հետո Վանաձորը փաստացի կառավարվել է ժամանակավոր պաշտոնակատարների միջոցով, իսկ համայնքապետարանի մի շարք նախկին ու ներկա պաշտոնյաների նկատմամբ տարբեր քրեական վարույթներ են քննվել։

ArmLur.am-ը տեղեկացրել էր, որ Օհանյանը 2026 թվականի խորհրդարանական ընտրություններին մասնակցել է «Հայաստան» դաշինքի ցուցակով և նախընտրական քարոզարշավի ընթացքում ակտիվ գործունեություն է իրականացրել Վանաձորում։

Ուշագրավ է, որ Արթուր Օհանյանի ձերբակալությունը տեղի է ունենում այն ժամանակ, երբ Վանաձորը կրկին հայտնվել է իրավապահների ուշադրության կենտրոնում։

Հակակոռուպցիոն կոմիտեն դեռ հուլիսին հայտնել էր, որ Վանաձորի համայնքապետարանի նախկին ղեկավարի և աշխատակիցների վերաբերյալ քրեական վարույթի նյութեր են ուղարկվել Հակակոռուպցիոն դատարան, իսկ մարտին Վանաձորի համայնքապետարանի նախկին ու ներկա մի շարք պաշտոնյաներ էին ձերբակալվել։

Սակայն այս պահին դեռ բաց է մնում գլխավոր հարցը՝ ինչ քրեական վարույթի շրջանակում է ձերբակալվել «Հայաստան» դաշինքի ներկայացուցիչը և ինչ է նրան կոնկրետ վերագրվում։

Հավանեցի՞ր հոդվածը, կիսվիր ընկերներիդ հետ