Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

2027-ից թաղման նպաստ կստանան միայն անապահով ընտանիքները

Հասարակություն

2027 թվականի հունվարի 1-ից նախատեսվում է թաղման նպաստ տրամադրել միայն սոցիալապես անապահով ընտանիքներին ընտանիքի անդամի մահվան կապակցությամբ: Այդ մասին ասուլիսի ժամանակ ասաց աշխատանքի և բարեկեցության նախարարության կենսաթոշակային ապահովության և այլ վճարների քաղաքականության վարչության պետ Անահիտ Գալստյանը:

 

«Գործող օրենսդրությամբ թաղման նպաստի իրավունք ունի այն անձը, որը կազմակերպում է կենսաթոշակառուի, անապահովության համակարգում հաշվառված ընտանիքի անդամի հուղարկավորությունը: Նոր կարգավորումներով նախատեսվում է թաղման նպաստ տրամադրել միայն անապահովության համակարգում նպաստ ստացող ընտանիքի անդամի հուղարկավորությունը կազմակերպած անձին: Օրենսդրական փոփոխությունների առանցքային փոփոխությունը սա է:

 

Նախատեսում ենք, որ նպաստը կվճարվի, եթե անձը մահացել է և հուղարկավորվել է Հայաստանի Հանրապետությունում: Սա հնարավորություն կտա առցանց դիմումներով իրացնել թաղման նպաստի իրավունքը:

 

Իհարկե, այսօր էլ կա առցանց դիմումի միջոցով թաղման նպաստի ստացման իրավունքի իրացում, բայց առանձին դեպքերում անհրաժեշտ է լինում թղթային դիմում ներկայացնել: Կփորձենք բացառել թղթային դիմումը»,-ասաց նա՝ նշելով, որ թաղման նպաստի իմաստը հենց օպերատիվությունն է:

 

Թաղման նպաստի չափի փոփոխություն չի նախատեսվում։ Քաղաքացին կարող է նպաստի համար դիմել մահվան դեպքից հետո՝ 6 ամսվա ընթացքում։ Միաժամանակ նախատեսվում է կրճատել դիմում ներկայացնելուց հետո թաղման նպաստը ստանալու ժամկետը։

 

Նախատեսվում է, որ օրենքի դրույթները կկիրառվեն 2027 թվականի հունվարի 1-ից հետո մահացած անձանց նկատմամբ։ Արդյունքում ակնկալվում է 4,3–4,4 մլրդ դրամի խնայողություն, իսկ կենսաթոշակների չափերի բարձրացմանն ուղղվելու է 5,6 մլրդ դրամ։

Հավանեցի՞ր հոդվածը, կիսվիր ընկերներիդ հետ