Բաքվից կրկին պնդում են «խաղաղության գործընթացի» համար փոխել ՀՀ սահմանադրությունը

Ադրբեջանի նախագահի հատուկ հանձնարարությունների գծով հատուկ ներկայացուցիչ Էլչին Ամիրբեկովը հայտարարել է, թե Հայաստանի հետ խաղաղության գործընթացի «անվերադարձությունն» ապահովելու համար անհրաժեշտ է վերացնել, ըստ Բաքվի գնահատականի, խաղաղության համաձայնագրի դրույթների և Հայաստանի Սահմանադրության միջև առկա անհամապատասխանությունը։

Ամիրբեկովը ներկայացրել է Ադրբեջանի դիրքորոշումը Հայաստանի հետ հարաբերությունների կարգավորման գործընթացի «ներկա փուլի և ձեռք բերված գործնական արդյունքների վերաբերյալ»։

Միաժամանակ ադրբեջանական կողմը պնդում է, թե ապագա խաղաղության համաձայնագրի և Հայաստանի Սահմանադրության միջև, իրենց բնորոշմամբ, «իրավական անհամապատասխանության» վերացումը անհրաժեշտ պայման է խաղաղ գործընթացի «անվերադարձությունն» ապահովելու և ձևավորված «դե ֆակտո խաղաղությունը» կայունացնելու համար։

Հանդիպման ընթացքում քննարկվել է նաև Միջին միջանցքի և TRIPP նախագծի զարգացումը։ Ադրբեջանի պնդմամբ՝ TRIPP-ի իրականացումը և Ադրբեջանի հիմնական տարածքի ու Նախիջևանի միջև տրանսպորտային հաղորդակցության վերականգնումը կարող են նպաստել տարածաշրջանային համագործակցության ընդլայնմանն ու խաղաղության ամրապնդմանը

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝