Լսե՛ք մարդկանց, լրջորեն վերաբերվե՛ք նրանց հոգսերին․ կատարվեց քահանայական ձեռնադրություն Ինչ է կատարվում Արցախ կամերային նվագախմբում Ջիվան Գասպարյան կրտսերը նոր տեսահոլովակ է ներկայացրել Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ

«ՆՊԱՏԱԿ ՈՒՆԵՄ ՆՎԱՃԵԼ ՆԱԵՎ UFC ՎԱՐԿԱԾՈՎ ԱՇԽԱՐՀԻ ՉԵՄՊԻՈՆԻ ԲԱՂՁԱԼԻ ՏԻՏՂՈՍԸ». ԽԱՌԸ ՄԵՆԱՄԱՐՏԵՐԻ ՄԱՐԶԻԿ, ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ԱՐՍԵՆ ԱԼԵՔՍԱՆՅԱՆ

Սպորտ

Վերջերս Երևանի Տաշիր Արենայում կայացել է Խառը մարտարվեստների /MMA ARMAT FIGHT SHOW /AFS /YORION FIGHT CLUB OFC միջազգային մրցաշարի երեկոն, որի ժամանակ փայլուն են հանդես եկել մեր երկրի մարտիկները 12 մենամարտերից 11 հաղթանակ գրանցելով։

Iravunk. com -ի մարզական լրագրողը կապ է հաստատել ու զրուցել մրցաշարի հաղթողներից Արցախյան 44-օրյա ահաբեկչական պատերազմի մասնակից ԱՐՍԵՆ ԱԼԵՔՍԱՆՅԱՆԻ հետ։

- Ողջույն, Արսեն։ Շնորհավորում ենք հաղթանակի կապակցությամբ։

- Շատ շնորհակալ եմ։ Հանդես եկա 70 կգ քաշային կարգում։ Հակառակորդս իրանցի շատ ուժեղ, փորձառու մարզիկ էր, սիրողականում ունի 30 հաղթանակ, առանց որևէ պարտության, իսկ պրոֆեսիոնալ ռինգում ունի 1 հաղթանակ։ Մենամարտի հենց առաջին ռաունդի առաջին րոպեում խեղդող հնարք կիրառեցի ու վաղաժամ հաղթեցի մրցակցիս։ Սա արդեն չորրորդ հաղթանակն է իմ պրոֆեսիոնալ ռինգում։ Հաղթանակս նվիրում եմ Արցախյան 44-օրյա ահաբեկչական պատերազմում զոհված մեր բոլոր անմահ հերոսների, հանձինս ընկերոջս ԳԱՌՆԻԿ ՀԱՐՈՒԹՅՈՒՆՅԱՆԻ պայծառ հիշատակին։ Պատերազմի ժամանակ ես Հադրութում եմ եղել, մասնակցել եմ մարտական գործողությունների։

- Ինչ տվեց քեզ այս հաղթանակը։

- Շատ մեծ ոգևորություն հետագայի համար։ Ես նպատակ ունեմ նվաճել նաև UFC վարկածով Աշխարհի չեմպիոնի բաղձալի տիտղոսը և առաջին հայ մարզիկը լինել, ով այդ չեմպիոնական գոտին կբերի Հայաստան։ Շատ ուրախալի է, որ մեր երկրում կազմակերպվում են նման միջազգային մրցաշարեր, որը մեծ խթան կհանդիսանա մարզաձևը մեր երկրում էլ ավելի մասսայականացնելու համար։ Ես շուրջ մեկ տարի է մենամարտերի չէի մասնակցել, քանի որ ձեռքի կոտրվածք ունեի, վիրահատվել եմ նաև և ահա ապաքինվեցի ու կարողացա հաղթել այս միջազգային մրցաշարում։ Շատ լավ զգացողություններ ունեմ, քանի որ իմ երկրում կարողացա հաղթել։

- Արսեն, կարող ես պատմել որևէ հիշարժան հաղթանակի մասին քո մարզական կարիերայի ընթացքում գրանցված։

- 2018 թվականն էր, Վրաստանի մայրաքաղաք Թբիլիսիում կայացած Խառը մենամարտերի միջազգային մրցաշարի ժամանակ, եզրափակչում ջախջախիչ հաղթանակ տոնեցի ադրբեջանցի մրցակցի հանդեպ ու դարձա World Cup MMA մրցաշարի չեմպիոն։ Այս հաղթանակը դաջվել է իմ հիշողության մեջ ու երբեք չեմ կարող մոռանալ։

- Շնորհակալություն, Արսեն, հաճելի զրույցի համար, քեզ մաղթում ենք նորանոր հաղթանակներ։

- Շատ զգացված եմ ուշադրության համար։ Անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Հավանեցի՞ր հոդվածը, կիսվիր ընկերներիդ հետ