Ռուբեն Մխիթարյանը մտավ պատմության մեջ․ ԶԱՐՄԱՆՔ

Սյունիքի Շաքի համայնքում ադրբեջանցի զինծառայողի մասնակցությամբ տեղի ունեցած միջադեպը ԱԺ նախագահ ՌՈՒԲԵՆ ՌՈՒԲԻՆՅԱՆԸ որակել է հանցագործություն՝ միաժամանակ կարեւորելով ադրբեջանական կողմի՝ զինծառայողի կորստի մասին հայկական կողմին տեղեկացնելու հանգամանքը։ Բայց զարմանալին ոչ թե սա է, այլ վերջինիս ընդգծածը, որ եթե խաղաղություն չլիներ, ադրբեջանական կողմը չէր տեղեկացնի, թե իր զինծառայողը կորել է․ «Արդյոք լա՞վ է, որ ադրբեջանական կողմը հենց տեսել է՝ իր զինծառայողը կորել է, տեղեկացրել է հայկական կողմին։ Լավ է, եթե խաղաղություն չլիներ, դա տեղի չէր ունենա»։ Արձագանքելով ռուբինյանական հայտարարությանը՝ քաղաքագետ Գագիկ Համբարյանը գրում է․ «Ողջ 44-օրյա պատերազմի ընթացքում եւ դրանից հետո հանրությանը խաբած դավաճանաոհմակի սույն ներկայացուցիչն իր պրիմիտիվ մեկնաբանությամբ փորձում է խաբել հանրությանը, թե բա՝ խաղաղություն է, որ Բաքուն իրենց իբր տեղյակ է պահել փախած զինվորի մասին... Նախ` եթե տեղյակ է պահել, ապա ինչո՞ւ է հանրությունն այդ մասին իմանում ազերի ասկյարի հանցագործությունից հետո... Ես ձեր ԱԱԾ-ի հայտարարությունը համարում են կեղծ, որի նպատակն է պաշտպանել պաշտոնական Բաքվին եւ թաքցնել սեփական անճարությունը, որ չեն կարողացել բռնել ազերի ասկյարին...»։ 

Ի դեպ, Շաքիի միջադեպի մասին իր հարցազրույցներից մեկում խոսել է նաեւ «Հանրապետություն» կուսակցության նախագահ ԱՐԱՄ Զ․ ՍԱՐԳՍՅԱՆԸ եւ ոչ պակաս զարմանալի հայտարարություն արել։ Անդրադառնալով հայ կնոջ վրա կրակած, երեխաներին պատանդ վերցրած ադրբեջանցի զինծառայողին՝ նա նշել է․ «Կարծում եմ՝ այս տղան ադրբեջանական բանակում սեռական բռնության է ենթարկվել. սա դիվերսիա չէ»։ Լավ, էլ ի՞նչ ասես, համաձայնեք, որ Զավենիչի հնչեցրած մտքերն արդեն սեռական բռնություն են դարձել մեր ուղեղների համար։

Խորհրդարանում մինչեւ երեկ ոչինչով աչքի չընկած ԱԺ «Ուժեղ Հայաստան» խմբակցության պատգամավոր ՌՈՒԲԵՆ ՄԽԻԹԱՐՅԱՆԸ զարմանալիորեն «փայլել է» իշխանական ու ընդդիմադիր պատգամավորների միջեւ ծագած վեճ ու քաշքշուկի ժամանակ։ Հանուն արդարության նշենք, որ Ազգային ժողովը ծեծուջարդ շատ է տեսել, բայց սեղանի վրա կանգնած պատգամավոր, թերեւս առաջին անգամ էր։ Եվ ահա Ռուբեն Մխիթարյանը մտավ պատմության մեջ, իհարկե՝ խայտառակ ձեւով։ Նա ո՛չ ավել, ո՛չ պակաս բարձրացել է դահլիճի սեղանների վրա, որպեսզի իրեն նետի վեճի էպիկենտրոն։ Նրան փորձել են կանգնեցնել անվտանգության աշխատակիցները, սակայն Մխիթարյանը, «թո՛ղ, թո՛ղ» բղավելով, սեղանների վրայով շարունակել է ընթացքը: Ու այնքան է տաքացել, որ մի հատ էլ շշով հարվածելիս է հայտնվել տեսախցիկների առաջ, ինչը ֆիքսել է ՔՊ-ական պատգամավոր Ալխաս Ղազարյանը․«Թույլիկների» պատգամավորը, որը բարձրացել էր նաեւ ԱԺ սեղանների վրա (երեւի Կալուգացու նիստերի ժամանակ ընդունված է սեղանին կանգնած խոսել), հիմա էլ շշով է հարվածում»։ Անդրադառնալով համացանցը ողողած տեսարանին՝ Ռեֆորմիստների կուսակցության նախագահ Վահան Բաբայանն էլ արձանագրում է․«Ընդհանրապես ԱԺ պատգամավորների սեղանները, կարծում էի, ուրիշ նշանակություն ունեն: Դրանց վրա գրում են, քվեարկում են, բայց ոտքերով բարձրանալ ԱԺ դահլիճում սեղանների վրա չէի տեսել: Իրոք, տեսարան է, սա այս տարվա ընտրությունների արդյունքն է»։ 

ԶԱՐՄԱՑԱԾ Է «ԻՐԱՎՈՒՆՔ»-Ը

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝