«Ժողովուրդ». Ղալումյանները կրկին գործի են անցել
Մամուլի տեսություն
«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ Հայկ և Վահե Ղալումյանները ջանք չեն խնայում, որպեսզի հոկտեմբերի 25-ին կայանալիք ՏԻՄ ընտրությունների արդյունքում Իջևանի համայնքապետի պաշտոնը կրկին զբաղեցնի ՔՊ թեկնածու Արթուր Ճաղարյանը։
Իջևանում նախընտրական պայքարը թեժանում է։ «Ժողովուրդ» օրաթերթի տեղեկություններով՝ Տավուշի մարզպետ Հայկ Ղալումյանն ու նրա եղբայրը՝ իշխանական պատգամավոր Վահե Ղալումյանը, այս օրերին ակտիվորեն ներգրավված են նախընտրական գործընթացներում՝ փորձելով ապահովել ՔՊ-ի հաղթանակն ու պահպանել իշխանության դիրքերը վարչապետ Նիկոլ Փաշինյանի հարազատ քաղաքում։
Մեր տեղեկություններով՝ Ղալումյան եղբայրները տարբեր քայլեր են ձեռնարկում, որպեսզի իրենց նախընտրած թեկնածուն՝ գործող համայնքապետ Արթուր Ճաղարյանը, վերընտրվի։ Այս օրերին ակտիվացել են հանդիպումները իջևանցիների հետ, և իշխանական թիմը փորձում է առավելագույնս օգտագործել նախընտրական ժամանակահատվածը՝ բնակիչների աջակցությունը ստանալու համար։
Իջևանում հոկտեմբերի 25-ին կայանալիք ընտրություններում ՔՊ-ի ցուցակը գլխավորում է Արթուր Ճաղարյանը, իսկ մրցակից քաղաքական ուժի՝ Դավիթ Սանասարյանի ղեկավարած «Ինքնիշխան Հայաստան» կուսակցության ցուցակը՝ Լևոն Վարդապետյանը։
Ո՞վ է Արթուր Ճաղարյանը և ի՞նչ կապ ունի Ղալումյանների հետ․
Արթուր Ճաղարյանը ծնվել է 1973 թվականի հունիսի 4-ին՝ Իջևանում։ Մասնագիտությամբ ինժեներ-տնտեսագետ է։ Տարիներ շարունակ աշխատել է Կադաստրի պետական կոմիտեի տարբեր ստորաբաժանումներում, իսկ 2015-2021 թվականներին եղել է Իջևանի համայնքի ղեկավարի տեղակալ։ 2021 թվականի ապրիլին նշանակվել է համայնքի ղեկավարի պաշտոնակատար, իսկ նույն տարվա ընտրություններից հետո ընտրվել համայնքապետ։
Ճաղարյանի և Ղալումյանների կապերի մասին մամուլը գրել է դեռևս 2021 թվականին՝ նախորդ ՏԻՄ ընտրություններից առաջ։ Այդ ժամանակ «Ժողովուրդ» օրաթերթը, հղում անելով իր աղբյուրներին, գրել էր, որ Ճաղարյանը մտերիմ հարաբերություններ ունի Հայկ և Վահե Ղալումյանների հետ, և, որ վերջիններիս աջակցությամբ է նրա թեկնածությունը ներկայացվել իշխանություններին։
Այսպիսով, Ճաղարյանի և Ղալումյանների քաղաքական մտերմության մասին տեղեկությունները նոր չեն․ դրանց մասին մամուլում հրապարակումներ եղել են դեռևս նրա՝ համայնքապետի թեկնածու առաջադրվելու ժամանակ։
«Ժողովուրդ» օրաթերթի տեղեկություններով՝ այս ընտրություններին Ղալումյանների համար կարևոր է ոչ միայն Արթուր Ճաղարյանի վերընտրությունը, այլև Իջևանում ՔՊ-ի իշխանության պահպանումը։ Այդ նպատակով, մեր աղբյուրների փոխանցմամբ, իշխանական շրջանակներն ակտիվացրել են քարոզչական աշխատանքները և հանդիպումները բնակիչների հետ»։
Առավել մանրամասն թերթի այսօրվա համարում
Տե´ս նաեւ https://t.me/iravunk/74248
ՇՏԱՊ. Առկա է վեբկայք, որտեղ տեղադրված են ՀՀ քաղաքացիների տեսանյութերն ու լուսանկարները, որոնք արվել են հասարակական զուգարաններում
Ամերիկացիները կրկին Կիեւին տվյալներ չեն տրամադրել ռուսական հրթիռակոծության մասին
«Հրապարակ». Սրբազանի գործի դատաքննությունը ակնհայտորեն մտել է փակուղի
Տղե՛րք, չգիտեմ՝ ինչ անեմ ձեր համար…Ձեզ ուրացել են…Մեզ ուրացել են…
1
4744 դիտում
2
4086 դիտում
3
2261 դիտում
4
2000 դիտում
5
1269 դիտում
1
31465 դիտում
2
19563 դիտում
3
11467 դիտում
4
11417 դիտում
5
8459 դիտում
3
17765 դիտում
