Սարգիս Բեգոյանը՝ Մ-23 աշխարհի առաջնության բրոնզե մեդալակիր
Սպորտ
ԱՄՆ-ի Լաս Վեգաս քաղաքում ավարտվեց ըմբշամարտի մինչև 23 տարեկանների աշխարհի առաջնությունը, որի վերջին մրցումային օրերին գորգ դուրս եկան ազատ ոճայինները, տեղեկանում ենք armsport.am կայքից։
Հայաստանի ընտրանին մրցավայր էր մեկնել ամբողջական կազմով՝ ներկայացուցիչ ունենալով բոլոր 10 քաշային կարգերում, սակայն պատվո հարթակ բարձրանալ հաջողվեց միայն մեկ ըմբիշի։
Ազատ ոճայինների կազմում ամենատպավորիչ ելույթը գրանցեց 61 կգ քաշային Սարգիս Բեգոյանը, ով նվաճեց բրոնզե մեդալ։ Հայ ըմբիշը մրցաշարում անցկացրեց չորս գոտեմարտ և տոնեց երեք հաղթանակ։ Երրորդ տեղի համար վճռորոշ գոտեմարտում հայ մարզիկը գերարդյունավետ պայքարում 14։9 հաշվով պարտության մատնեց ուզբեկ Բեհրուզբեկ Թուրանմուրատովին՝ ապահովելով Հայաստանի միակ մեդալը ազատ ոճում։
Մրցաշարի եզրափակիչ օրը Հայաստանի հավաքականը մեդալային պաշարը համալրելու ևս երկու իրական հնարավորություն ուներ, սակայն մեր ըմբիշները պարտվեցին բրոնզե մեդալի համար գոտեմարտերում՝ բավարարվելով 5-րդ հորիզոնականով։
Չնայած հայ ազատ ոճայիններից ոչ մեկին չհաջողվեց դուրս գալ եզրափակիչ, հավաքականը նախորդ տարվա համեմատ առաջընթաց գրանցեց։ Վաստակած 49 միավորով Հայաստանի թիմը եզրափակեց լավագույն տասնյակը՝ զբաղեցնելով 9-րդ տեղը։ Առաջին տեղում է Իրանը՝ 180 միավորով, երկրորդում ՌԴ-ն՝ 171 և ԱՄՆ-ը՝ 104 միավորով։
Հիշեցնենք, որ Լաս Վեգասի Մ-23 աշխարհի առաջնությանը 10 ըմբիշով էր մասնակցել նաև հունահռոմեական ոճի Հայաստանի հավաքականը։ Հունահռոմեականները հայրենիք են վերադառնում երկու արծաթե մեդալով. աշխարհի փոխչեմպիոնի կոչմանն արժանացել են Գասպար Տերտերյանը (72 կգ) և Մարտիկ Պետրոսյանը (82 կգ)։ Ընդհանուր առմամբ, Հայաստանի պատվիրակությունն ամերիկյան ստուգատեսն ավարտեց 3 մեդալով (2 արծաթ, 1 բրոնզ)։
Աշխարհի խոշորագույն՝ սաուդյան Saudi Aramco-ի նավթային ընկերության գլխավոր գրասենյակն այրվում է
«Ժողովուրդ». Ընդհարում Տիգրան Խաչատրյանի, Ժաննա Անդրեասյանի և Սարգիս Հայոցյանի միջև
Գորիսի «Համերաշխություն»-ը ոչ մի աղերս չունի իրական «Համերաշխության» հետ
2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան
1
2431 դիտում
2
1783 դիտում
3
1637 դիտում
4
1598 դիտում
5
1424 դիտում
1
31465 դիտում
2
11474 դիտում
3
11417 դիտում
4
8478 դիտում
5
5699 դիտում
2
19592 դիտում
3
17770 դիտում
