Վստահել եմ «Ուժեղ Հայաստան» դաշինքին, հիասթափվել եմ նրանց հետընտրական գործունեությունից. Արցախցի գործիչ
Հանդիպում
Արցախցի հասարակական-քաղաքական գործիչ Բորիս Առուշանյանը «Իրավունքի» հետ հարցազրույցում մասնավորապես նշել էր.«Անհավատալի է, որ ՀՀ ոչ միայն իշխանությունները, այլ նաև բնակչության մի զգալի մասն է անտարբեր մեր խնդիրների հանդեպ»։
Կոնկրետ որտե՞ղ է հանդիպել անտարբերության, ո՞ր քաղաքական ուժին են վստահում արցախցիները, ո՞ւմ են սատարել եւ սատարում, ո՞վ է այսօր ի պաշտոնե լիազորված արցախցիների հիմնախնդիրները բարձրաձայնելու հարցով «Իրավունքը» կրկին դիմել է պարոն Առուշանյանին.
- Շփումները քաղաքացիների հետ իմ բնակության վայրում, համացանցում, նախկին հայաստանաբնակ ծանոթներիս հետ, ինչպես նաև իշխանամետ ուժերի դիրքորոշումները արցախցիների խնդիրների լուծումների հարցում դա են վկայում։ Մի մասի մոտ այդ անտարբերությունը պայմանավորված է սխալ տեղեկացվածության և պատկերացումների հետ։ Նրանք չեն հասկանում ինչ է նշանակում Հայրենիքի հետ միասին կորցնել նաև քո և քո ծնողների երկար տարիների աշխատանքի պտուղները, ունեցվածքը, հարազատներին և հայտնվել մի միջավայրում, որտեղ չունես բնակարան, աշխատանք, գտնվում ես ծանր ապրումների մեջ։ Իսկ տեղաբնակները չեն պահանջում իշխանություններից գոնե լուծել արցախցիների սոցիալական բնույթի խնդիրները, ակտիվություն չեն ցուցաբերում, բողոքի ակցիաներ չեն կազմակերպում։ Համեմատության համար վերցրեք արտասահմանյան երկրների բնակչության պահվածքը նման, անգամ ավելի ոչ զգայուն, հարցերում։
Արցախյան գործչի խոսքերով.
- Ես Արցախ վերադարձի հույսը ավելի շատ կապում եմ հայ ժողովրդի հավաքական ուժի, ակտիվ արտաքին գործունեության և սպասվելիք միջազգային զարգացումների հետ։ Ադրբեջանի իշխանությունների 2020-2023 թ գործողությունները պետք է որակել որպես ցեղասպանություն և անընդհատ, շատ ակտիվորեն պահանջել միջազգային կառույցներից, խոշոր պետություններից պատժամիջոցներ ձեռնարկել մեղավորների հանդեպ։ Միայն ակտիվությամբ և համառությամբ կարող ենք հասնել արդյունքի։ Ինքս վստահել եմ «Ուժեղ Հայաստան» դաշինքին, բայց որոշ չափով հիասթափվել եմ նրանց հետընտրական գործունեությունից։ Ինչ մնում արցախյան վտարանդի իշխանությունների գործունեությանը( արցախցիների խնդիրների լուծման հարցում), ապա պետք է նշել մի քանի հանգամանքներ, որոնք խանգարում են խնդիրների միասնական բարձրացման հարցում։ Առաջինը դա ՀՀ իշխանությունների դիրքորոշումն է։ Երկրորդը Արցախի ԱԺ - ի պատգամավորների պահվածքը, մտավախությունները, կուսակցական և անձնական շահերը։ Եվ կարծում եմ նաև արցախահայության տրոհվածությունը տասնյակ կուսակցությունների, հարյուրավոր հասարակական կազմակերպությունների և Հայաստանով մեկ ցրված համայնքների։ Այստեղ ես կարևորում եմ հայկական Սփյուռքի դերը կազմակերպական, նյութական և բարոյական հարցերում։ Կան առանձին անհատներ, որոնք ի վիճակի են ղեկավարել արցախցիների պայքարը իրենց բազմաթիվ հարցերի լուծման գործում, բայց առանց դրսի ուժերի նյութական և բարոյական օժանդակության, ինչպես նաև ՀՀ իշխանությունների և բնակչության բարյացակամ վերաբերմունքի դժվար կլինի հաջողության հասնել։ Չափազանց շատ են եղել բացթողումները ,կուտակված պրոբլեմները և կարելի ասել, որ մենք հայտնվել ենք ծուղակի մեջ, որից ելք գտնելը պահանջում է կազմակերպվածություն, մեծ աշխատանք, խելոք և ճիշտ հաշվարկված քայլեր , ինչպես նաև արտաքին բարենպաստ պայմաններ։ Ես չեմ հոգնում կրկնել, որ 1994 թ և հետագա տարիներին մենք բաց ենք թողել պատմական շանսը, գնացել ենք «խաղաղության» առանց անվտանգության երաշխիքների, «վայրի կապիտալիզմի» առանց հաշվի առնելու սոցիալական արդարության սկզբունքները, հասարակության բևեռացման վտանգը, մեր թշնամու ռազմավարական նպատակները և այլն։
Ամեն օր մի քյալակ ա խաղում. ՔՊ-ականները սառը ցնցուղի տակ
Ճշգրտելու հարց կա, թե որտեղ պետք է միանան Ադրբեջանի հետ մեր երկաթուղիները, նման հարցեր շատ կլինեն
Մերցի գլխավոր մտահոգությունը Ռուսաստանն է, այլ ոչ թե Գերմանիայի տնտեսությունը
Դադարեցրե՛ք այդ կնոջը փողոցային ձևով դատելը. Հայտնի իրավապաշտպանը հայտարարությամբ է հանդես եկել
1
3695 դիտում
2
2563 դիտում
3
2111 դիտում
4
1863 դիտում
5
1659 դիտում
1
11474 դիտում
2
8512 դիտում
3
5704 դիտում
4
4858 դիտում
5
4239 դիտում
1
31475 դիտում
2
19592 դիտում
3
17770 դիտում
5
11432 դիտում
